14:37 03 декабри 2016
Пахши мустақим
Бокс, Акс аз бойгонӣ

Дар Душанбе муштзанони беҳтарини Тоҷикистонро муайян карданд

© Sputnik / Виталий Белоусов
Варзиш
Гирифтани линки кӯтоҳ
42 0 0

Дар чемпионат оид ба бокс, ки дар пойтахти Тоҷикистон баргузор шуд, зиёда аз сад намоянда аз шаҳри Душанбе, вилоятҳои Хатлон, Суғд, ВМКБ ва ноҳияҳои тобеи марказ рақобат карданд

ДУШАНБЕ, 1 дек — Sputnik. Дар пойтахти Тоҷикистон чемпионат оиди бокс миёни занон ва мардон баргузор гардид.

Муштзанони шаҳри Душанбе, вилоятҳои Хатлон, Суғд, ВМКБ ва ноҳияҳои тобеи марказ ба ринг баромаданд. Мақсад аз баргузории қаҳрамонӣ, интихоби варзишгарони беҳтарини ин намуди варзиш миёни занон ва мардон мебошад. Дар соли нав мавсими ҷадиди олимпӣ шурӯъ мешавад.

Марҳилаи интихобии иштирокчиён дар вилоятҳо баргузор шуда, дар пойтахти Тоҷикистон беҳтаринҳо баромад карданд. Дар соли 2017 дастаи Тоҷикистон оид ба бокс барои иштирок дар қаҳрамонии ҷаҳон, ки дар Олмон баргузор мегардад, омодагӣ мебинанд. Ҳамчунин онҳо барои иштирок дар чемпионати Осиё, ки дар Муғулистон гузаронида хоҳад шуд, ҷиддӣ тайёрӣ мебинанд.

Муррабиёни ин навъи варзиш мақсад доранд, то варзишгарони тоҷикро  барои иштирок дар Бозиҳои олимпии соли 2018 ва 2020 ҳамаҷониба омода намоянд.

Аз байни занон дар чемпионат варзишгарони зерин ғолиб омаданд: Светлана Веглина (дар вазни 51 кг, шаҳри Душанбе), Гулфина Урунова (57 кг, шаҳри Душанбе),  Мавзуна Чориева (60 кг, шаҳри Душанбе), Миҷгона Бобоева (75 кг, шаҳри Душанбе).

Ай байни мардон бошад: Сӯҳроб Назаров (дар вазни 49кг, аз вилояти Хатлон), Бахтовар Сагизов (дар вазни 52 кг, Хатлон),  Асрор Воҳидов (дар вазни 56 кг, Суғд),  Баҳодур Усмонов (дар вазни 60 кг, шаҳри Душанбе), Шоҳрух Оғоназаров (дар вазни 64 кг, ВМКБ),  Шараф Давлатов (дар вазни 69 кг, Душанбе), Бахтиёр Мирзомухаммад (дар вазни 75 кг, Душанбе),  Шаббос Неъматуллоев (дар вазни 81 кг, Душанбе), Ҷахон Қурбонов (дар вазни +91 кг, Суғд) ғолиб шуданд.

Мавзуъ

Донишҷӯёни тоҷик ғолибони қаҳрамонии Осиё. Дар риштаи бокс
Медали биринҷии Шоира ва бохти Мавзуна Чориева дар Ҷоми ҷаҳонии бокс
Барчаспҳо:
қаҳрамонӣ оид ба бокс, ғолибият, Мавзуна Чориева, Тоҷикистон

Мавзӯъҳои асосӣ