20:30 17 августи 2017
Пахши мустақим
Манижа Буйдоқова

Манижа Буйдакова: мехоҳам Русияро ба тоҷикон намоиш бидиҳам

© Фото: Из личного архива Манижи Будаковой
Тоҷикистон Style
Гирифтани линки кӯтоҳ
1151162

Манижа - тоҷикдухтари муқими Маскав, қасд дорад дар осонсозии ҳамгироӣ ва созвор шудани тоҷикон бо ҷомеъаи Русия саҳмашро бигзорад

ДУШАНБЕ, 13 июн — Sputnik, Нилуфар Некқадам. Манижа то кунун беш аз 95 муҳоҷирро бо диданиҳои торихиву фарҳангии шаҳри Маскав ошно кардаву мехоҳад гурӯҳе аз тоҷиконро барои тамошои пойтахти шимолии Русия бибарад.

Вай мегӯяд, фикри ошно кардани муҳоҷирон бо мавзеъҳои торихӣ ва дидании Русия ва бо ин роҳ мусоъидат кардан дар созвор шудани муҳоҷирон дар кишвари бегона чанде пеш ба сараш омад.

"Кӯчидани созмони "Нур" ба дафтари нав шумори муҳоҷирони корафтодаро низ бештар кард. Мо низ бо мушкилоти онҳо бештару беҳтар ошно шудем. Дар паи ин шинохт ман ҳам тасмим гирифтам, ки дар ҳадди тавонам зиндагии муҳоҷиронро дар Русия осон кунам", — гуфт Манижа дар суҳбат бо Sputnik Тоҷикистон.

Манижа имсол бахши магистартураи Донишгоҳи Дӯстии милали Русияро дар риштаи ҷомеъашиносӣ ба поён бурдааст. Ӯ ҳамакнун бо созмонҳои мардумниҳоде ҳамкорӣ дорад ва ташкили гардишҳо барои муҳоҷирон фаъолияти довталабонааш аст.

"То кунун ду бор гардиш ташкил кардаам. Дар чорчӯби барномаи ин гардишҳо муҳоҷирон бо ҷозибаҳои торихии шаҳри Маскав ошно шуданд. Дар ин гаштҳо беш аз 95 кас ширкат кард", — гуфт Манижа.

Ин гаштҳоро роҳнамоҳои гардишгарии пешакор иҷро мекунанд. Манижа муътақид аст, ки ҳар кореро бояд коршиносона анҷом дод. 

Гардиш дар шаҳри Маскав аз Майдони Сурх оғоз шуда, то Калисои ҷомеъи Исои Мунҷӣ, баландиҳои Воробёво ва Поклонная гора ва дигар маконҳо идома мекунад. Дар ин сафар роҳнамо дар бораи ҳар як аз мавзеъҳои торихӣ барои муҳоҷирон донистаниҳоеро мегӯяд.

Манижа мегӯяд, ки дар ин гардишҳо аксаран муҳоҷирон бо хонаводаҳояшон ширкат мекунанд. Бисёре аз онҳо як бор ҳам ки буда аз Майдони Сурх боздид кардаанд.

"Аксари онҳо бо дидани Майдони Сурх дар ҳол мегӯянд, ки ин ҷо омада будаем. Вале донистаниҳое, ки роҳнамо аз ториху меъмории он барояшон мегӯяд, онҳоро ҳайратзада мекунад. Мегӯянд, инро мо намедонистем".

Манижа бовар дорад, ки ба василаи гардишгарӣ огоҳ шудан аз фарҳангу торихи Русия беҳтар аз дигар роҳҳост, чун иттилоъот дар зеҳни бинанда зуд ҷой мегираду то дер фаромӯш намешавад.

  • Гардиши муҳоҷирони тоҷик дар Маскав
    Гардиши муҳоҷирони тоҷик дар Маскав
    © Фото: Аз бойгонии Манижа Буйдоқова
  • Гардиши муҳоҷирон дар Маскав
    Гардиши муҳоҷирон дар Маскав
    © Фото: Аз бойгонии Манижа Буйдоқова
  • Гардиши муҳоҷирони тоҷик дар Маскав
    Гардиши муҳоҷирони тоҷик дар Маскав
    © Фото: Аз бойгонии Манижа Буйдоқова
1 / 3
© Фото: Аз бойгонии Манижа Буйдоқова
Гардиши муҳоҷирони тоҷик дар Маскав

Вай мегӯяд, ки Маскав ягона мақсадашон нест. Ӯ ният дорад, муҳоҷиронро ба ҳамаи шаҳрҳои торихии Русия бибарад. Дар пеш тоҷиконро гардиши Санкт-Петербуг интизор аст.

"Ман барномае барои гардиш дар Петербург ҳам омода кардаам. Мехоҳам ин гардише шавад, ки аз он муҳоҷирон баҳра баранду ин сайёҳат дер боз дар зеҳни онҳо нақш бандад", — мегӯяд бо умедворӣ Манижа.

Манижа аз ин кораш музду даромаде ба даст намеорад. Ин кор комилан ихтиёриву довталабона аст. Аз ин рӯ барномаҳои ӯ нисбат ба гардишҳои ширкатҳои туристӣ арзонтар ҳастанд.

"Дар Маскав як гардиш барои бузургсолон 500 рубл ва барои хурдсолон 300 рубл арзиш дорад".

Гардиш ба Санкт-Петербург дар авохири фасли тобистон дар назар гирифта шудаааст. Ин гардиш чаҳоррӯза буда ва арзиши он барои як нафар аз 6 то 7 ҳазор рул хоҳад буд.

Манижа мехоҳад тоҷиконро бо автобус то пойтахти шимолии Русия бибарад то дар роҳи сафар низ фурсате барои ошно шудани муҳоҷирон бо дигар манотиқи торихии Русия дошта бошанд.

Пас аз Маскав ва Санкт-Петербург муҳоҷиронро дигар шаҳрҳои торихии Русия хоҳанд бурд.

Барои Манижа дар ин кори нек комёбӣ орзумандем.

Мавзуъ

Ҳаёву чакан роҳи тоҷикдухтарро ба озмуни зебоии Маскав кушод
Барои Ватан: чӣ гуна Ҳусния дар Амрико забонҳои помириро ҳифз мекунад
Барчаспҳо:
сайру гашт, гардишгарӣ, ҳамгироӣ, Русия, Маскав

Мавзӯъҳои асосӣ