“Тоҷик Эйр” пешсафи ҳамлу нақли бор ва мусофиркашонӣ аст

Обуна шудан
Фурудгоҳи байналмилалии Душанбе ҷаласаи ҷамъбасти шашмоҳаи аввали соли равонро баргузор кард ва дар он ширкати давлатии «Тоҷик Эйр» пешсафи бозори ҳамлу нақли мусофирону боркашонӣ эълом гардид.

ДУШАНБЕ, 7 июл — Sputnik. Дар фурудгоҳи Душанбе тайи шаш моҳи соли 2015 ба 528 ҳазор мусофир хизмат расонида шудааст, иттилоъ медиҳад дафтари матбуотии ФБД.

"Наздик ба 30% хизматрасонӣ ба мусофирон ба ширкати ҳавопайми «Тоҷик Эйр» таалуқ дошта, он 826 парвози рафтуомад анҷом додааст",-омадааст дар хабари манбаъ.   

Ҳаҷми умумии интиқоли бор ба 1,5 ҳазор тонна баробар гардида, аз он 428,4 тоннааш ба ширкати давлатии "Тоҷик Эйр" рост меояд.

Саҳмияҳои "Тоҷик Эйр" 100% марбути ҳукумати Тоҷикистон мебошанд. Ин ширкат дар маҷмӯъ 17 ҳавопаймои хурду бузург дорад, ки аз онҳо 12-тоаш мавриди истифода қарор доранд. Боқимонда 25 ҳавопаймои дигар (асосан истеҳсоли шӯравӣ) мебошанд ва дар таваққуфгоҳ нигоҳ дошта мешаванд.

Лентаи хабарҳо
0