10:59 24 октябри 2017
Пахши мустақим
Нақлиёти шаҳри Душанбе. Акс аз бойгонӣ

Аз қонуншикании Раҳмонов то ҷаримагурезии "Тоҷик Эйр" ва "Тоҷиксодиротбонк"

© Sputnik
Нақлиёт
Гирифтани линки кӯтоҳ
98410

Вазорати умури дохилии Тоҷикистон феҳрасти ронандаҳоеро, ки қоидаҳои ҳаракат дар роҳҳои Душанберо нақз карда ва маблағи ҷаримаро пардохт накардаанд, нашр кардааст

ДУШАНБЕ, 8 авг — Sputnik. Бино ба иттилоъи равобити умумии ин ниҳод, ин рӯйхат дар асоси сабти дурбинҳои Маркази низоми худкори идоракунӣ дар соҳаи нақлиёт — "Шаҳри бехатар" пешниҳод шудааст.

Аз ҳама бештар як сокини ноҳияи Қубодиён Иброҳимбек Раҳмонов бо худрави "Чанху" қоидаҳои ҳаракатро нақз кардааст. Бино ба иттилоъи ВКД, ин ронанда дар 154 ҳолат қоидаҳоро вайрон намуда ва ҳанӯз ҷаримаро пардохт накардааст.

"Опел-Астра"-и мутаалиқ ба ҶСК Шабакаҳои барқии шаҳри Душанбе 81 бор қоидаҳои ҳаракат дар роҳро нақз кардааст. Дар ин рӯйхат як  мусофиркаш (автобус) низ ҳаст. Автобуси тамғаи "ЛИАЗ-5226" рақами қайди давлатиаш 0210ТТ01 — 41бор қоидаро вайрон кардааст.

Ҳамчунин дар ин феҳрист худрави ширкати "Тоҷик Эйр" — "Опел-Астра" 41 бор қонуни ҳаракат дар роҳро нақз карда ва худрави ширкати ҶСК "Тоҷиксодиротбонк" бо тамғаи "Хундай-Тюксон" 20 маротиба қонуншиканӣ кардааст.

Дар байни ҷаримагурезон ду зани ронанда низ вуҷуд дорад. Инҳо сокинони шаҳри Душанбе, Нилуфар Мулоҷонова ва Тоирова Гулфина мебошанд.

Барчаспҳо:
қонуншиканӣ, Душанбе, Тоҷикистон

Мавзӯъҳои асосӣ