ДУШАНБЕ, 7 мая — Sputnik. Рӯзи чаҳоршанбе ба мактаби шумораи 2 шаҳри Хуҷанд исми куҳансарбози ҶБВ Зайниддин Осимовро номгузорӣ карданд, хабар медиҳад маркази матбуъотии шаҳрдорӣ.
Дар ин мактаб ҳамчунин лавҳаи хотиравӣ дар бораи Осимов насб карда шуд. Ин маросим бо ширкати раиси шаҳс Раҷаббой Аҳмадзода, пайвандони куҳансарбоз, хонандагон ва раҳбарияти мактаб баргузор шуд.
Осимов хатмкардаи донишкадаи омӯзгории Ленинобод мебошад ва баъд аз хатми он дар ин донишкада кор кардааст. Вақте ҷанг оғоз шуд, вай дар қатори нахустини хуҷандиён ба набард рафт. Соли 1944 хабари фавти вай дар набардҳо расид.
