Патрушев: Русия ҷонибдори таъсиси ҷабҳаи бузург алайҳи “ДИ” аст

© AP Photo/Raqqa Media Office, FileҶангиёни Давлати Исломӣ дар Сурия. Акс аз бойгонӣ
Ҷангиёни Давлати Исломӣ дар Сурия. Акс аз бойгонӣ - Sputnik Тоҷикистон
Обуна шудан
Зарур аст, ки ҳамкориҳои байни кишварҳо дар мубориза бар зидди “Давлати Исломӣ” таҳким ёбанд ва сарчашмаи маблағгузории террористон дарёфт ва баста шавад, изҳор дошт Дабири Шӯрои амнияти ФР Николай Патрушев.

ДУШАНБЕ, 14 апр — Sputnik. Маскав дар асоси меъёрҳои ҳуқуқии байналмиллалӣ эъмори эътилофи қавиро алайҳи "Давлати исломӣ" (мамнӯъ дар Тоҷикистон) зарур медонад, иттилоъ медиҳад РИА Новости бо истинод ба изҳороти Дабири Шӯрои амнияти ФР Николай Патрушев.

Намоишгарон бо парчами ДИ. Акс аз бойгонӣ - Sputnik Тоҷикистон
ВКХ Русия: гуруҳи "ДИ" дар Афғонистон қувва ҷамъ мекунад

"Дар асоси меъёрҳои ҳуқуқии байналмиллалӣ бояд фронти бузургро бар зидди "Давлати исломӣ" (мамнӯъ дар Тоҷикистон) бунёд намоем. Ин кор бояд таҳти мусоидат ва дар якҷоягӣ бо СММ амалӣ шавад. Барои иҷрои пурра ва саривақтии қарорҳои зиддитеррористии Шӯрои амният ва Ассаблеяи Генералии СММ баромад мекунем", —гуфт Патрушев дар вохӯрии 11-уми аъзоёни  Шӯрои Амнияти давлатҳои СҲШ дар Тошканд. 

Ӯ ҳамчунин иброз дошт, ки дар баробари ин бояд корҳо барои дарёфт ва бастани шабакаҳои маблағгузории "Давлати Исломӣ" пурзӯр карда шавад. Қувваҳои худро бар зидди шахсони воқеӣ ва ҳуқуқӣ, ки ба муносибатҳои иқтисодии "Давлати Исломӣ" алоқаманданд пурзӯр намуда, барои дохил намудан ба меъёрҳои ФАТФ ва манъ намудани ҳама гуна амалиёти тиҷоратӣ бо ташкилотҳои террористӣ кӯшиш намоем.

 

Лентаи хабарҳо
0