ДУШАНБЕ, 4 июл — Sputnik. Владимир Путин ва Доналд Трамп дар ҳошияи нишасти G20 дар Ҳамбург мулоқот хоҳанд кард.
Ёвари раисҷумҳури Русия Юрий Ушаков иттилоъ дод, ки раҳбарони Русия ва Амрико 7-уми июл дар Ҳамбург мулоқот хоҳанд кард.
Пештар ҳам дар Кохи Сафед ва ҳам Кремл таъйид карда буданд, ки нахустин мулоқоти сарони ду кишвар дар ҳошияи нишасти гурӯҳи G20 сурат хоҳад гирифт, ки 7 — 8 июл дар шаҳри Ҳамбург баргузор мешавад.
Чуноне, ки муовини вазири умури хориҷаи Русия Сергей Рябков гуфта буд, Маскав дар назар дорад, ки дар нахустин дидори раҳбарони Русия ва Амрико масоъили Укроин, Сурия, суботу амният дар ҷаҳон ва дигар мавзуъҳои мубрами рӯзро баррасӣ кунанд.
