ДУШАНБЕ, 1 сен — Sputnik. Дар иди Қурбон дар Эрон ҳодисаи нохуше рух дод. Дар паи вожгун шудани автобуси донишомӯзон 11 кас кушта ва 35 кас захмӣ шудааст.
Гуфта мешавад, ин автобус донишомӯзонро аз Ҳурмузгон барои ширкат дар озмуни фарзонагон ба Шероз мебурдааст. Дар нимароҳ ронанда фармони мусофирбарро аз даст дода ва он вожгун шудааст.
"Ронанда дар ҳолати ғайриқобили идораи нақлиёт — хоболуду хаста будааст, ки дар натиҷа аз уҳдаи идораи автобус бар наомада, аз пул сарнагун мешавад", — иттилоъ медиҳад Sputnik Эрон.
Дар натиҷа аз 45 мусофири ин автобус 11 донишомӯз ҷон бохта ва 35 каси захмӣ шудааст.
