Кобул интиқом мегирад: Ашраф Ғанӣ ба Толибон ҳушдор дод

© AP Photo/Dan Kitwood/PooПрезидент Афганистана Ашраф Гани, архивное фото
Президент Афганистана Ашраф Гани, архивное фото - Sputnik Тоҷикистон
Обуна шудан
Раисҷумҳури Афғонистон бо ҳушдор ба гурӯҳи Толибон эълом кард: Кобул аз ин гурӯҳ ба хотири тадовуми ҳамалоти террористӣ дар манотиқи мухталифи ин кишвар, интиқом хоҳад гирифт

ДУШАНБЕ, 30 янв — Sputnik. Бино бар гузориши "Парс Тудэй", Муҳаммад Ашраф Ғанӣ дар нишасти хабарии муштарак бо Ҷоко Видодо, раисҷумҳури Индонезия дар Кобул ба ҳамалоти террористии ахири Толибон дар Кобулу дигар шаҳрҳои Афғонистон вокуниш нишон дод.

"Афроди Толибон бо анҷоми ҳамалоти ахири террористӣ дар Кобулу дигар манотиқи Афғонистон собит карданд, ки ба дастури арбобони хориҷии худ амал мекунанд",- изҳор доштааст вай.

Ашраф Ғанӣ аз пешниҳоди раисҷумҳури Индонезия мабнӣ бар иҷмои уламои ҷаҳони ислом барои муқобила бо терроризму ифротгароӣ истиқбол кард.

Дар ҳамалоти террористии як ҳафтаи ахири Толибон ва ДИИШ дар манотиқи мухталифи Афғонистон бавижа Кобул, садҳо нафар куштаву захмӣ шуданд.

Раисҷумҳури Индонезия низ дар нишасти хабарӣ бо Ашраф Ғанӣ гуфт: Индонезия барои барқарории сулҳу субот дар Афғонистон бо давлату мардуми ин кишвар ҳамкорӣ хоҳад кард.

Лентаи хабарҳо
0