Ҳукми боздошти Гюлен содир шуд

© Flickr \ Diyar seФатҳуллоҳ Гюлен. Акс аз бойгонӣ
Фатҳуллоҳ Гюлен. Акс аз бойгонӣ - Sputnik Тоҷикистон
Обуна шудан
Дар Туркия пешвои ҷумбиши “Хизмет” ба ташкили гурӯҳи террористӣ ва ба вуҷуд овардани ниҳодҳои ҳамсони ҳукумат гунаҳкор дониста мешавад

ДУШАНБЕ, 22 дек — Sputnik. Додгоҳи шаҳри Истанбул ҳукми боздошти Фатҳулло Гюлен, пешвои ҷумбиши "Хизмет" (Хидмат) ва ташкилотчии литсейҳои туркӣ дар саросари дунёро содир кард, хабар медиҳад РИА Новости.

Дар Туркия пешвои ҷумбиши "Хизмет" ба ташкили гурӯҳи террористӣ ва ба вуҷуд овардани ниҳодҳои ҳамсони ҳукумат гунаҳкор дониста мешавад.

Прокурор барои ворид кардани Гюлен ба рӯйхати Интерпол ба вазорати адлияи ин кишвар муроҷиат кардааст.

Раҷаб Тайиб Эрдуғон. Акс аз бойгонӣ - Sputnik Тоҷикистон
Президенти Туркия ба ИА: "Ба мо кордор набошед"

Фатҳуллоҳ Гюлен аз рӯҳониёни шинохтаест, ки аз охирҳои солҳои 90-ум дар Амрико ба сар мебарад. Қазияи "Фасоди бузург" дар Туркия дар зимистони гузашта нишон дод, ки муносибати фатҳуллоҳчиён бо Раҷаб Тайиб Эрдуғон, президенти кунунии Туркия хатчадор шудааст. Эрдуғон талоши ҷонибдорони Гюленро "давлат андаруни давлат" номида буд.

Фатҳуллоҳ Гюлен ва ҷумбиши "Хизмет"-и ӯ барои Тоҷикистон бегона нест. Муассисаи таълимии "Шалола", ки раҳбарии литсейҳои тоҷикӣ-туркиро дар Тоҷикистон ба зима дорад, аз муассисаи зери нуфузи "Хизмет" дониста мешавад, ки дар Тоҷикистон 6 литсейи он фаъолият дорад.

Лентаи хабарҳо
0