Муҳоҷирони ғайриқонунӣ 10 сол иҷозаи вуруд ба ФР-ро аз даст медиҳанд

© Sputnik / Гузариш ба медиабонкДружиначиёни халқӣ аснои тафтиши санадҳои муҳоҷирон. Акс аз бойгонӣ
Дружиначиёни халқӣ аснои тафтиши санадҳои муҳоҷирон. Акс аз бойгонӣ - Sputnik Тоҷикистон
Обуна шудан
Қонунгузории Русия меъёрҳои қавонини марбут ба будубоши шаҳрвандони хориҷиро шадидтар кард. Тибқи ин санад, онҳое, ки меъёрҳои қонуни мазкурро нақз мекунанд барои аз 5 то 10 сол аз ФР ихроҷ мешаванд.

ДУШАНБЕ, 6 янв — Sputnik. Қонуне, ки бар тибқи он шаҳрвандони хориҷӣ барои нақзи реҷаи муҳоҷират то 10 соли дигар наметавонанд вориди Русия шаванд, 12-уми январ ба қувваи амал медарояд, мегӯянд масъулини Хадамоти муҳоҷирати Тоҷикистон.

Санад пеш аз таҷлили Соли нав аз ҷониби Владимир Путин, райисҷумҳури Русия ба тасвиб расида буд.

Афроде, ки бештар аз 180 рӯз бе санади зарурӣ дар Русия ба сар бурдаанд, ба мӯҳлати панҷ ва онҳое, ки аз нӯҳ моҳ бештар дар Русия ғайриқонунӣ будаанд, ба муддати 10 сол хориҷ карда мешаванд.  

Ба иттилои Вазорати меҳнат ва шуғли аҳолии Тоҷикистон, тайи нӯҳ моҳи соли гузашта барои нақзи меъёрҳои иқомат 141 муҳоҷири тоҷикистонӣ аз қаламрави Русия ихроҷ карда шудаанд. Теъдоди умумии ихроҷшудагон аз ҶТ бошад, дар маҷмӯъ 9 ҳазор нафарро ташкил медиҳад.

Лентаи хабарҳо
0