Президент дар Хуҷанд 30 иншоотро ифтитоҳ мебахшад

© Официальная страница пресс-службы президента РТ в FacebookЭмомалӣ Раҳмон ҳангоми ифтитоҳ бахшидани иншооти давлатӣ. Акс аз бойгонӣ
Эмомалӣ Раҳмон ҳангоми ифтитоҳ бахшидани иншооти давлатӣ. Акс аз бойгонӣ - Sputnik Тоҷикистон
Зимни сафари президент ба шаҳри Хуҷанд, ки дар остонаи Наврӯз иттифоқ меафтад, дар ин шаҳр як бора 30 иншооти давлатӣ ва фароғатӣ ифтитоҳ хоҳад ёфт.

ДУШАНБЕ, 20 мар —Sputnik. Бахшида ба иди Наврӯз ва сафари Эмомалӣ Раҳмон, раисҷумҳури Тоҷикистон ба вилояти Суғд дар шаҳри Хуҷанд беш аз 30 иншоот, аз қабили биноҳои истиқоматию корхонаи истеҳсолӣ ифтитоҳ хоҳад шуд, менависад оҷонсии "Озодагон".

Маъруф Мамадҷонов, муовини раиси шаҳри Хуҷанд 20 март дар суҳбат бо оҷонсӣ  гуфтааст, президент дар ифтитоҳи як қатор иншоот ва Боғи фарҳангиву фароғатии ба номи Камоли Хуҷандӣ баъд аз таҷдиду бозсозӣ шахсан иштирок хоҳад кард.

Ба гуфтаи Мамадҷонов, қарор аст, бо ҳузури раисҷумҳур дар шаҳри Хуҷанд биноҳои нави қисми ҳарбии 3501-и Вазорати умури дохилӣ ва қисми сарҳадоти Кумитаи давлатии амнияти миллӣ, ду бинои истиқоматии 5 ошёна бо шумули корхонаи истеҳсолии "Порсои Хуҷанд" ва бинои нави "Тоҷиксодиротбонк" мавриди истифода қарор гиранд.

Муовини шаҳрдори Хуҷанд инчунин афзуд, бахшида ба Иди Наврӯз дар ҳудуди шаҳр чаҳор чойхонаи миллӣ ва баъзе аз иншоотҳои дигар низ мавриди баҳрабардорӣ қарор хоҳанд гирифт.

Бар асоси иттилои масъулини Вазорати фарҳанги Тоҷикистон имсол ҷашни асосии Наврӯзи байналмилалӣ рӯзи 22 марти соли равон дар шаҳри Хуҷанд бо ҳузури Эмомалӣ Раҳмон таҷлил мегардад. Барномаи аслии ин ҷашн соати 6-и шоми 22 март дар варзишгоҳи "Истиқлол"-и Хуҷанд бо иштироки меҳмонони хориҷӣ оғоз хоҳад шуд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала