Кашфу мусодираи беш аз 5 кило маводи нашъадор дар Хуҷанд

© Sputnik / Андрей Стенин / Гузариш ба медиабонкҲашиш дар халтаҳо. Акс аз бойгонӣ
Ҳашиш дар халтаҳо. Акс аз бойгонӣ - Sputnik Тоҷикистон
Обуна шудан
Бо иттиҳоми даст доштан дар гардиши ғайриқонунии маводи мухаддир сокини 32-солаи маҳаллӣ аз ҷониби кормандони Раёсати умури дохилаи вилояти Суғд боздошт гардид.

ДУШАНБЕ, 26 мар — Sputnik. Аз гумонбаршуда дар маҳаллаи 31-уми шаҳри Хуҷанд ҳангоми машғул буданаш бо хариду фурӯши маводи мухаддир дар ҳаҷми беш аз 5 кило    ҳашиш дарёфт ва мусодира карда шуд, менависад сайти ВКД ҶТ.

Ба иттилои манбаъ, рӯзи гузашта аснои баргузории чорабиниҳои оперативӣ-ҷустуҷӯӣ сокини 32-солаи шаҳри Хуҷанд аз ҷониби кормандони Раёсати ВКД дар нақлиёт бо гумони муомилоти ғайриқонунии маводи мухаддир дастгир гардид.

"Ташхис нишон дод, ки вазни умумии маводи дарёфтшуда 5 килою 470 граммро ташкил медиҳад",- меафзояд сарчашма.

Нисбати ин далел парвандаи ҷиноӣ боз гардида, тафтишот идома дорад.

Лентаи хабарҳо
0