Дар Тоҷикистон ҷашнвораи “Ҳафтаи китоби кӯдакона” оғоз гардид

© Sputnik / Амир ИсаевИфтитоҳи "Ҳафтаи китоби кӯдакона" дар Тоҷикистон
Ифтитоҳи Ҳафтаи китоби кӯдакона дар Тоҷикистон - Sputnik Тоҷикистон
Обуна шудан
Ҳадафи аслии ин чорабинӣ, тарғиб ва оммавигардонии хониш дар байни кӯдакону наврасон, ҷалб намудани таваҷҷӯҳи насли наврас ба китобу хониш, ба китобхона ҳамчун маркази иҷтимоӣ-фарҳангӣ, ташаккули одат ва малакаҳои хониш ва дар ин замина мусоидат намудан ба такомули фарҳанги иттиллоотии кӯдакону наврасон мебошад.

ДУШАНБЕ, 3 апр — Sputnik. «Ҳафтаи китоби кӯдакону наврасони Тоҷикистон» рӯзҳои 2-9 апрел дар Рӯзи байналмилалии китоби кӯдакон дар миқёси ҷумҳурӣ баргузор мегардад, иттилоъ медиҳад Вазорати фарҳанги Тоҷикистон.

Рӯзи панҷшанбе дар расми ифтитоҳи ҷашнвора  дар бинои Филармонияи давлатии Тоҷикистон ба номи Акашариф Ҷӯраев вазири фараҳн Шамсиддин Орумбеков суханронӣ кард.

"Ҳафтаи китоби кӯдакон ва наврасон" яке аз шаклҳои муҷтамеи тарғиби адабиёт маҳсуб ёфта, дар солҳои шӯравӣ ба як қолаби муайян даромад. Шурӯъ аз соли 2007 дар ҷумҳурӣ баргузории ин чорабинӣ дубора аз сар гирифта шуд.

Дар вилоят ва шаҳру ноҳияҳои ҷумҳурӣ бо иштироки китобдорони варзида, олимону адибон, намояндагони раёсат, шуъбаҳои фарҳангу маориф, воситаҳои ахбори омма кумитаҳои тадорукот ва ситодҳои корӣ созмон дода мешаванд.

Ҷамъбасти Фестивал рӯзи 9 апрел дар толори Китобхонаи давлатии бачагонаи ҷумҳуриявии ба номи Мирсаид Миршакар баргузор мегардад.

Лентаи хабарҳо
0