ДУШАНБЕ, 17 апр — Sputnik. Дар остонаи таҷлил аз Рӯзи пойтахтбархе аз таъсисоти сохтмонӣ мавриди истифода қарор хоҳанд гирифт, хабар медиҳад маркази матбӯъотии шаҳрдории Душанбе.
Аз Рӯзи пойтахт ҳамасола дар рӯзи шанбеи севвуми моҳи апрел таҷлил мешавад. Имсол ин ҷашн ба 18 апрел мувофиқ омад.
Дар маҷмӯъ, дар ин рӯз 15 бино мавриди истифода қарор хоҳанд гирифт. Аз ҷумла, интизор меравад қисмате аз маҷмаъаи сохтмони манзилии "Qatari Diar" ва ширкати "Султони Кабир" боз шаванд.
Дар рӯзи ҷашн дар куллия боғҳои пойтахт маросимҳои мухталифи фарҳангӣ баргузор мешаванд. Ҳамчунин аз соати нӯҳи субҳ ниммарафони байналмиллалии шашум оғоз мешавад, ки дар он ҳам сокинони маҳаллӣ ва меҳмонони хориҷии пойтахт ширкат мекунанд.
