Раҳбари ВКД: беш аз 350 нафар атбоъи тоҷик ба тундравон шомил шуданд

Обуна шудан
Қаблан мақомоти интизомии Тоҷикистон дар бораи 200-300 нафар аз атбоъи Тоҷикистон сӯҳбат мекарданд, ки дар суфуфи гурӯҳҳои тундгаро дар Сурия меҷанганд.

ДУШАНБЕ, 12 май — Sputnik. Тибқи омори ахир беш аз 350 нафар ҷавонони Тоҷикистон ба гурӯҳҳои тундгарову ифротӣ пайвастаанд, изҳор дошт раҳбари ВКД Рамазон Раҳимзода рӯзи якшанбе дар Кӯлоб, менависад хабаргузории "Ховар".

Вазир дар ин бора зимни суханронии худ дар ҳамоиши "Ҳамкории ҷавонон бо ниҳодҳои интизомӣ дар мубориза бо тундгароӣ ва ифротгароӣ" изҳор дошт, ки дар ин семинар беш аз 500 нафар ширкат доштанд.

Ҷанг дар Сурия. Акс аз бойгонӣ - Sputnik Тоҷикистон
КДАМ: 300 шаҳрванди Тоҷикистон дар Сурия меҷанганд

Раҳимзода гуфт, ки тибқи иттилоъи ахири пажӯҳишӣ беш аз 350 нафар ҷавонон ба гурӯҳҳои ифротгаро пайвастаанд. Дар ҳамин ҳол вай дақиқ накард, ки ин афрод ба чӣ созмонҳое пайвастаанд.

Қаблан вазир гуфта буд, ки дар суфуфи гурӯҳҳои тундгаро ва ифротӣ дар хоориҷи кишвар 200-300 нафар атбоъи Тоҷикистон меҷанганд.

Лентаи хабарҳо
0