Гармӣ дар Ҳиндустон боиси марги 2,3 ҳазор нафар шудааст

© AP / Channi AnandОдамон дар Ҳиндустон худро аз гармӣ наҷот медиҳанд. 28 майи соли 2015
Одамон дар Ҳиндустон худро аз гармӣ наҷот медиҳанд. 28 майи соли 2015 - Sputnik Тоҷикистон
Обуна шудан
Теъдоди қурбониёни гармии ғайриоддӣ дар аёлотҳои Ҳиндустон меафзояд, дар ҳамин ҳол нишондодҳои бардурӯғи сабаби маргу мири одамон низ барои гирифтани ҷубронпулии ваъдагии мақомот бештар ба мушоҳида мерасад.

ДУШАНБЕ, 2 июн — Sputnik. Дар ҷануби Ҳиндустон аз гармои ғайриодии ҳаво 2300 нафар ба ҳалокат расиданд, иттилоъ медиҳад РИА Новости бо такя ба хабари оҷонсии DPA.

Ба қавли манбаъ, пас аз он ки мақомот тасмими пардохти ҷубронпулиро барои қурбониёни гармӣ дар ҳаҷми 100 ҳазор рупия (беш аз $1500) эълом кард, шумори фавтидагон дар аёлоати Андхра-Прадеш ду маротиба бештар шуд.

Теъдоди расмии ҳалокшудагон аз гармӣ 600 нафар гуфта мешавад. Ҳоло дар ҳар як ноҳияи минтақа комиссияи махсус барои муайян кардани шумори ҳаққонии фавтидагон фаъолият дорад.

Як ҳафта ба ин сӯ ҳарорат дар соя аз 47 дараҷаи Селсиус поён намеравад. Бемористонҳо пур аз офтобзадаҳост ва рухсатӣ рафтани пизишкон манъ шудааст.

Лентаи хабарҳо
0