ДУШАНБЕ, 10 июн — Sputnik. Муҳокимаи парвандаи бародарон Фарҳод ва Раҷабалӣ Каримовҳо дар Додгоҳи олии Тоҷикистон рӯзи сешанбе оғоз шуд, менависад хабаргузории "Авеста".
Аҷсоди бародарон дар моҳи ноябри соли гузашта дар қаламрави ноҳияи Рӯдакӣ пайдо шуда буданд.
Ба иттиҳоми ин қатл сокинони Ҳисор Абдулазиз Усмонов, Саидмурод Мадалиев ва Ҷамшед Раҷабов боздошт шуда буданд.
Усмонов дар як барномаи телевизонӣ мушорикаташ дар ин қатлро таъйид кард ва гуфт, ки далели ин амр напардохти арзиши 100 килограмм ҳероин мебошад.
"Ман бояд онҳоро ба қатл мерасонидам, вагарна маро мекуштанд", — гуфт вай.
Ба гуфтаи ӯ, иҷрои қатлро вай ба ду нафар — Мадалиев ва Раҷабов фармудааст, ки яке аз онҳо қаблан барои қатл 15 сол зиндонӣ шуда буд ва дуввумӣ барои иртикоби чанд ҷароим дар қаламрави Русия мавриди пайгарди қонунӣ қарор дорад.
