Дар моҳи Рамазон фурӯши маҳсулот бо нархи арзон роҳандозӣ мегардад

© Sputnik Амир ИсаевБозори Шоҳмансур. Акс аз бойгонӣ
Бозори Шоҳмансур. Акс аз бойгонӣ - Sputnik Тоҷикистон
Дар иртибот бо фарорасии моҳи шарифи Рамазон оид ба ғанӣ гардонидани бозори истеъмолӣ таваҷҷӯҳи масъулини бозорҳо ва савдои шаҳр оид ба тариқи нархҳои алтернативӣ пешниҳод кардани анвои маҳсулоти ғизоӣ нигаронида шуд.

ДУШАНБЕ, 16 июн — Sputnik. Бо супориши мири пойтахт Маҳмадсаид Убайдуллоев дар бозорҳои Душанбе дар моҳи шарифи Рамазон фурӯши маҳсулоти ғизоӣ бо нархи дастрас барои сокинон роҳандозӣ мегардад, омадааст дар иттилоияи ҳукумати шаҳр.

"Ҳамарӯза аз ҷониби корхонаҳои воҳиди давлатии «Оид ба истеҳсол, харид, захира ва фурӯши маҳсулоти ниёзи аввалия дар шаҳри Душанбе», «Бозори Шоҳмансур», «Бозори  Саховат», «Бозори Деҳқон» ва «Бозори Қарияи боло», инчунин дигар бозорҳои хусусӣ аз ҳисоби захираҳои дохилиашон маҳсулоти ниёзи аввалияи хушсифат, дар радифи дигар соҳибкорон ба савдо гузошта шаванд",-қайд кард раиси Душанбе.

Шӯрои уламо: 18 июн – оғози Рамазон дар Тоҷикистон

Дар ҷаласа аз ҷумла иброз гардид, ки тибқи нақшаҳои қаблан тарҳрезишудаи шаҳрдорӣ оид ба ғанӣ гардонидани бозори истеъмолӣ ва пурфайз намудани дастурхони сокинон таваҷҷӯҳи масъулини бозорҳо ва савдои шаҳр оид ба тариқи нархҳои алтернативӣ пешниҳод кардани анвои маҳсулоти ғизоӣ ва ба ин васила мусоидат намудан ба пешгирӣ аз болоравии нарх дар бозори истеъмолии шаҳр нигаронида шавад.

Гуфта мешавад, барои ҳимояи ҳуқуқи истеъмолкунандагон ва коҳиш додани нуфузи субъектҳои монополистӣ сохторҳои марбутаи назорати давлатӣ тадбирҳои фаврию мақсаднокро роҳандозӣ менамоянд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала