Дар вилояти Суғд ҷилавгирӣ аз талафоти нерӯи барқ оғоз шуд

© Sputnik / Сергей Пятаков / Гузариш ба медиабонкХутути интиқоли нерӯи барқ. Акс аз бойгонӣ
Хутути интиқоли нерӯи барқ. Акс аз бойгонӣ - Sputnik Тоҷикистон
Обуна шудан
Коҳиши чашмраси талафоти нерӯи барқ дар вилояти Суғдро тарҳе дар назар дорад, ки онро ҳукумати кишвар, Бонки аврупоии бозсозӣ ва рушд ва ниҳодҳои дигари байналмиллалӣ сармоягузорӣ мекунанд.

ДУШАНБЕ, 23 июн — Sputnik. Иҷрои тарҳе бо ҳазинаи 22 миллион евро дар вилояти Суғди Тоҷикистон оғоз шуд, ки онро ҳукумати кишвар, БАБР, Бонки сармоягузории Аврупо ва Комиссияи Аврупо сармоягузорӣ мекунанд, хабар медиҳад CA-NEWS.

"Дар чаҳорчӯби ин тарҳ насби ҳисобкунакҳои барқӣ, таҷҳизоти сабти нишондодҳои ҳисобкунакҳо, низоми ҳисобу китоб дар Хуҷанд ва атрофи он ва ҳамчунин бозсозии қисмате аз хутути баландшиддати интиқоли нерӯи барқ бо шумули воридот ва насби таҷҳизот дар назар аст", — омадааст дар хабар.

Ба навиштаи хабаргузорӣ, зимни иҷрои ин тарҳ насби 100 ҳазор ҳисобкунакҳои барқӣ, 220 нуқтаи ҳисоби масрафи нерӯи барқ барои корхонаҳои санъатӣ сурат хоҳад гирифт.

Ҳамчунин ивази 270 километр хати интиқоли нерӯи барқ, ивази ноқилҳои барқӣ (394 километр) дар биноҳои баландошёна ва насби 485 таҷҳизоти тақсими барқи роҳравҳои биноҳо ҳадафи дигари ин тарҳ будааст.

Ин тарҳ ҳамзамон ивази ноқилҳои зеризаминӣ (14,3 километр) ва сутунҳои қадимии чӯбӣ ба бетониро (1405 адад ё 80%) дар назар гирифтааст.

Лентаи хабарҳо
0