Масъулон намедонанд, ки кормандон чӣ гуна мошинҳои гаронбаҳо мегиранд

© Sputnik / Амир ИсаевАламхон Қодириён дар нишасти матбуъотии Агентии давлатии назорати молӣ ва мубориза бо фасод ҶТ 27 июли соли 2015
Аламхон Қодириён дар нишасти матбуъотии Агентии давлатии назорати молӣ ва мубориза бо фасод ҶТ 27 июли соли 2015 - Sputnik Тоҷикистон
Обуна шудан
Муовини сарвари Агентии назорати молӣ ва мубориза бо фасод ҳадс зад, ки мошинҳои гаронбаҳое, ки кормандонашон доранд, аз сӯйи пайвандон ва дӯстон тӯҳфа шудаанд.

ДУШАНБЕ, 28 июл — Sputnik. Маоши мутавассити кормандони ниҳод аз 940 то 1265 сомонӣ (ҳудуди $150-200) аст, хабар дод муовини аввали директори Агентии назорати давлатии молӣ ва мубориза бо фасод Наим Аламхон Қодириён.

Рӯзи гузашта зимни нишасти матбуотӣ дар Душанбе вай зикр кард, ки феълан теъдоди кормандони Агентӣ 400 нафар буда 89 нафари онҳо кормандони назорати молӣ ва 391 нафар низомиён мебошанд.

Рустами Эмомалӣ. Акс аз бойгонӣ - Sputnik Тоҷикистон
Барканории 56 корманди Оҷонсии зидди фасод

Дар посух ба ин суоли хабарнигорон, ки чӣ гуна бо чунин маош бархе аз кормандони Агентӣ соҳиби мошинҳои гаронбаҳо ва манозили бошукӯҳ мешаванд, Наимӣ гуфт, ки худ дар ин бора иттилоъи комил надорад.

Вай ҳадс зад, ки эҳтимол дорад бархе аз кормандон аз ҳисоби тиҷорати пайвандонашон соҳиби мошинҳо ва манозил шудаанд.

"Онҳо мисли шумо хонавода доранд, бародарону дӯстоне доранд, ки соҳибкор мебошанд. Бархе аз волидайнашон ба тиҷорат машғуланд", — гуфт Қодириён.

Ба гуфтаи муовини аввали мудири Агентӣ дар сохтори ин ниҳод хадамоти амнияти дохилӣ фаъол мебошаду ин мавзӯъро пайгирӣ мекунад, аммо то ҳол ҳеҷ мавриде ошкор нашудааст.

Лентаи хабарҳо
0