Ҷаримаи ширкатҳои мобилӣ барои фурӯхтани симкортҳо бе шиноснома

© Sputnik / © Sputnik / Стас ЭтвешСимкорти телефон. Акс аз бойгонӣ
Симкорти телефон. Акс аз бойгонӣ - Sputnik Тоҷикистон
Обуна шудан
Хадамоти алоқа – ниҳоди танзимкунандаи фаъолияти ширкатҳои мобилӣ - дар шаш моҳи имсол барои фурӯхтани симкорҳо ба шаҳрвандон бидуни шиноснома, ширкатҳои мобилиро беш аз 8 ҳазор сомонӣ ҷарима кардааст.

ДУШАНБЕ, 30 июл — Sputnik. Хадамоти алоқаи Тоҷикистон наздик ба 10 ҳазор симкортҳои ширкатҳои мобилиро мусодира кардааст, гуфт зимни нишасти хабарӣ Татяна Холмуродова, муовини раиси ин хадамот.

Таъмири антенаи мобилӣ. Акс аз бойгонӣ - Sputnik Тоҷикистон
Хадамоти алоқа зарари антенаҳои ширкатҳои мобилиро месанҷад

Вай афзуд, ин симкортҳо барои ҳуқуқвайронкунии маъмурӣ аз ҷониби ширкатҳо мусодира шудаанд.

"Асосан барои бе шиноснома фурӯхтан симкортҳо аз фурӯш ва истифода боздошта шуданд ва соҳибонашон ҷарима шудаанд", — гуфт хонум Холмуродова.

Масъули Хадамоти алоқа мегӯяд, ки барои ин амалашон ширкатҳои мобилӣ ба маблағи 8 ҳазору 440 сомонӣ ҷарима шудаанд.

Тибқи омори Хадамоти алоқа, ширкатҳои мобилии Тоҷикистон 11 миллион муштарӣ доранд, ки аз ин миқдор 6,5 миллиони он фаъол ҳастанд. Ба ҳар сад шаҳрванди Тоҷикистон 75,3 телефони мобилии фаъол рост меояд. Аз 100 нафар 44 нафар истифодабарандаи интернет мебошад.

Ба ҳисоби Хадамоти алоқа, сокинони кишвар аз як телефони мобилӣ якҷо бо интернети мобилӣ дар як моҳ ба ҳисоби миёна 39 сомонӣ сарф мекунанд.

Лентаи хабарҳо
0