ДУШАНБЕ, 4 авг — Sputnik. Имкони истифода аз навҳаи воҳиди тиҷоратии Thomson Reuters аз сӯйи Бонки миллии Тоҷикистон дар ҷараёни ҳамоише дар Душанбе баррасӣ шуд, хабар медиҳад маркази матбуотии танзимгари молӣ.
"Дар чаҳорчӯби ин ҳамоиш масоили дурнамои истифодаи навҳаи воҳиди тиҷоратӣ барои амалиёти молии Бонки миллии Тоҷикистон, беҳбуди низомҳои пулӣ, фурӯши саҳҳом, анҷоми амалиёти арзӣ дар бозори байнибонкӣ матраҳ шудаанд", — омадааст дар хабар.
Зикр шудааст, ки намояндагони Thomson Reuters маҳсули нозири барномавии худ барои тиҷорати электронии фурӯши арзи FX Alliance (FXall), ки феълан дар фурӯшгоҳҳои байналмиллалӣ воридкунандаи пешсафи ин хадамот дониста мешавад, муъаррифӣ шуд.
Дар БМТ гуфтанд, ки Thomson Reuters низоми саршиноси байналмиллалӣ аст, ки ширкаткунандагони бозори молиро бо иттилооти комил таъмин мекунад.
Ин низом ба ширкаткунандагон тавассути шабака имкон медиҳад, ки ба ахбор, қимматҳо ва иттилоъоти дигар дастрасӣ дошта бошанд. Аз хадамоти Thomson Reuters бештаре аз бонкҳои марказӣ ва тиҷоратӣ ва ҳамчунин ширкатҳои бузурги молӣ истифода мекунанд.
