ДУШАНБЕ, 13 авг — Sputnik. Муҳоҷири тоҷикистонӣ, ки дар ошёнаи 12 як бинои истиқоматӣ дар вилояти Маскав ба кори сохтмон машғул буд, ба замин афтода, ба ҳалокат расид, иттилоъ медиҳад CA-News бо истинод ба сафорати Қирғизистон.
Манбаъ афзудааст, рӯзи 11 август дар ноҳияи Дзержинскийи шаҳри Балашиха дар иншооти мавсум ба "Витяз" се муҳоҷири ба таъмири беруни бино машғулбуда, аз ошёнаи 12 ҳамроҳ бо таҷҳизот ба поён афтидаанд.
Ду шаҳрванди Қирғизистон дар пайи ин ҳодиса осеби ҷиддӣ бардошта, муҳоҷири тоҷик фавтидааст. Алъон, муҳоҷирини қирғиз дар беморхонаи №6-и Балашиха бистарианд.
Нисбати ин ҳодиса ва сабабҳои рух додани он парвандаи ҷиноӣ боз гардида, муфаттишони раёсати Кумитаи тафтишотии Русия таҳқиқ мебаранд.
