Бо корд захмӣ шудани як ҷавони 25-сола дар пойтахти Тоҷикистон

Мақомоти интизомии Тоҷикистон аз боздошти чор ҷавоне дар шаҳри Душанбе хабар доданд, ки дар халалдор кардани тартиботи ҷамъиятӣ муттаҳам мешаванд.

ДУШАНБЕ, 24 авг — Sputnik. Рӯзи 22 август дар боғи "Дӯстии халқҳо" сокинои 25-солаи шаҳри Душанбе мавриди латукӯби чор нафар қарор гирифта, сипас онҳо ҷабрдидаро бо корд захмӣ кардаанд, иттилоъ медиҳад сомонаи Вазорати умури дохила.

Корманди БДА аснои назорати роҳ. Акс аз бойгонӣ - Sputnik Тоҷикистон
Дар Кӯлоб як ронанда нозири БДА-ро бо корд захмӣ кард

Ба қавли манбаъ, дар гулбоғи бо номи "Абулқосим Фирдавсӣ"-и шаҳри Душанбе ҷавони 24-сола, ки қаблан бо моддаи 244 Кодекси ҷиноятии Тоҷикистон судшудааст, ҳамроҳ бо се нафари дигар — ҷавонони 30 ва 22-сола ва ноболиғи 16-сола, "тартиботи ҷаъмиятиро вайрон намуда, ҷавони 25-солаи сокини шаҳри Душанберо бе ягон асос лату кӯб намуда, бо корди дар дасташон буда, ба қафаси синааш 1 маротиба зада, аз ҷойи ҳодиса ғайб задаанд".

Ҷабрдида зарари ҷисмонӣ бардошта, айни ҳол дар беморхона таҳти муроқибати пизишкон қарор дорад.

Нисбати гумонбаршудагон парвандаи ҷиноятӣ оғоз гардида, тафтишоти ҳодисаи мазкур идома дорад.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала