ВКХ: Назарбоев барои анҷоми сафари расмӣ ба Душанбе меояд

Дар ин брифинг маводҳо роҷеъ ба сафари расмии президенти Қазоқистон ба Тоҷикистон ва ҷаласаи Шӯрои амнияти дастаҷамъии Созмони Аҳдномаи Амнияти Дастаҷамъӣ (СААД), инчунин гузарномаҳо ба намояндагони ВАО тақсим карда мешаванд.

ДУШАНБЕ, 11 сен — Sputnik.  Раисҷумҳури Қазоқистон Нурсултон Назарбоев барои анҷоми як сафари расмӣ ба Тоҷикистон меояд, иттилоъ додааст дафтари матбуоти ВКХ.

"12 сентябри соли 2015 соати 11:00 дар бинои Вазорати корҳои хориҷии Ҷумҳурии Тоҷикистон брифинг барои намояндагони ВАО доир ба сафари расмӣ баргузор мешавад",- омадааст дар иттилорияи вазорат.

Масъалаи дуюми ин брифинг Ҷаласаи Шӯрои амнияти дастаҷамъии Созмони Аҳдномаи Амнияти Дастаҷамъӣ (СААД) хоҳад буд, ки рӯзҳои 14-15 сентябри соли 2015 дар шаҳри Душанбе баргузор мешавад.

Дафтари матбуоти Вазорати умури хориҷии Тоҷикистон аз тамоми намояндагони расонаҳои хабарии дохилию хориҷӣ даъват кардааст, дар ин брифинг иштирок ва маводҳои зарурии чорабиниҳои мазкурро дарёфт намоянд.

 

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала