Оташсӯзӣ дар Макка: зоирин берун оварда шуданд

© APКран дар таърихи 2 сентябр дар масҷиди ал-Ҳарам чаппа шуд
Кран дар таърихи 2 сентябр дар масҷиди ал-Ҳарам чаппа шуд - Sputnik Тоҷикистон
Обуна шудан
Мақомоти мудофиаи шаҳрвандии Арабистони Саудӣ аз меҳмонхонае дар Макка, ки он ҷо сӯхтор ба вуҷуд омад, 1028 зиёраткунанда аз Осиёи Марказиро берун оварданд.

ДУШАНБЕ, 18 сен — Sputnik. Бо сабаби рух додани сӯхтор дар яке аз меҳмонхонаҳои Макка 1028 нафар ҳоҷӣ аз Осиёи Марказӣ ба ҷои амн кӯчонида шуданд, иттилоъ дод корманди масъули Хадамоти  мудофиаи шаҳрвандӣ Абдулло ал-Ҳорисӣ.

Ӯ гуфт, хабари оташсӯзӣ дар ин меҳмонхона субҳи рӯзи панҷшанбе ба онҳо расида, неруҳои вижа ба маҳалли ҳодиса сафарбар шуданд.

Ҳаҷҷ. Акс аз бойгонӣ - Sputnik Тоҷикистон
Беш аз 1600 сокини вилояти Суғд ба сафари Ҳаҷҷи Макка мераванд

"Дар макони сӯхтор шаш бахши наҷотдиҳандагон ба умури наҷотбахшӣ шурӯъ карда, дар кӯтоҳтарин муддат оташро хомӯш карданд",- илова кард ал-Ҳорисӣ. Ба қавли вай, сӯхтор дар ошёнаи 11-уми бино сар зада буд.

Дар бораи ду нафар ҷабрдида иттилоъ дода мешавад. Ба онҳо сари вақт ёрии тиббӣ расонида шудааст.

Дар ҳоли ҳозир дар Макка миллионҳо нафар мусалмони рӯи олам барои анҷоми зиёрати Хонаи Худо қарор доранд. Ҳаҷ аз ҷумлаи аркони панҷгонаи дини мубини Ислом аст, ки барои ҳар мусалмони ба балоғатрасида ва тавоно фарз мебошад. Ҳамасола аз Тоҷикистон ҳудуди шаш ҳазор барои зиёрати Хонаи Худо ба Макка мераванд.

Лентаи хабарҳо
0