Расонаҳо: шарики дигари генерал Назарзода боздошт шудааст

© AP / Peter LeonardКормандони пулис дар шаҳри Душанбе 4 сентябри соли 2015
Кормандони пулис дар шаҳри Душанбе 4 сентябри соли 2015 - Sputnik Тоҷикистон
Тибқи иттилои Вазорати дифои Тоҷикистон, полковник Назар Сафаров собиқ фармондеҳи қушунҳои хушкигард боздошт шудааст. Гӯиё ӯ баъд аз ҳаводиси 4 сентябр ҳамроҳ бо генерали кушташуда Абдуҳалим Назарзода ғайб задааст.

ДУШАНБЕ, 29 сен — Sputnik. Полковник Назар Сафаров, собиқ фармондеҳи қушунҳои хушкигарди Вазорати дифои Тоҷикистон ба иттиҳоми ҳамдастӣ бо генерали кушташуда Назарзода боздошт шудааст, менависанд, расонаҳои хабарии кишвар бо истинод ба манобеи худ дар мақомоти қудратӣ.

Масъулини Вазорати дифои Тоҷикистон корманди пешини ин ниҳод будани полковник Сафаровро тасдиқ карда, аммо аз ироаи ҷузъиёти бештар худдорӣ намуданд.

"Полковник дар бахши қушунҳои хушкигарди Вазорати дифои Тоҷикистон кор мекард, аммо 4 сентябри соли равон ҳамроҳ бо генерал Абдуҳалим Назарзода ғайб зад", гуфт, сухангӯи Вазорати дифоъ Фариддун Маҳмадалиев дар суҳбат бо Sputnik.

Генеральная прокуратура РТ. Архивное фото - Sputnik Тоҷикистон
Додситонии кулл: Назарзода бо дастури Кабирӣ амал мекард

Талошҳо барои дарёфти тасдиқи ин хабар аз сӯи Вазорати корҳои дохилии кишвар бенатиҷа буданд.

Расонаҳои хабарии Тоҷикистон бо истинод ба манобеи худ дар мақомоти қудратӣ навиштаанд, ки полковник Сафаров аз нақшаи ҳамлаҳои рӯзи 4 сентябр гӯиё огаҳ буда, дар тарҳрезии онҳо фаъолона иштирок кардааст.

Расонаҳо мегӯянд, гӯиё собиқ фармондеҳи қушунҳои хушкигарди Вазорати дифои Тоҷикистон то вақти боздошт дар шаҳри Душанбе пинҳон шуда, рӯзи якшанбеи гузашта дастгир гардидааст.

Қаблан Вазорати умури дохилии Тоҷикистон аз боздошти 139 нафар бо иттиҳоми узвият дар гуруҳи Ҳоҷӣ Ҳалим хабар дода, афзуд, ки алайҳи ин гуруҳ 100 парванда боз шудааст.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала