Эрон мехоҳад, созишномаи ҳастаиро ҳар чи зудтар иҷро кунад

© Sputnik / Александр Юрьев / Гузариш ба медиабонкшаҳри Теҳрон. Акс аз бойгонӣ
шаҳри Теҳрон. Акс аз бойгонӣ - Sputnik Тоҷикистон
Обуна шудан
Теҳрон бояд мутмаин бошад, ки ҷонибҳои дигар вазифаҳои худро анҷом медиҳанд.

ДУШАНБЕ, 28 окт — Sputnik. Ҳукумати Эрон тасмим дорад, тамоми вазифаҳои худ дар доираи созишномаи ҳастаиро ҳар чи зудтар иҷро кунад. Аммо аз ҷонибҳои дигар ҳам вобастагиҳои зиёд дорад, навиштааст РИА Новости бо истинод ба суханҳои раҳбари Созмони энержии атомии Эрон Беҳрӯз Камолвандӣ.

Тавофуқи “шашгона” бо Эрон дар масъалаи барномаи ҳастаӣ

"Ҳукумати мо мехоҳад, вазифаҳои худро ҳар чи зудтар иҷро кунад. Аммо ба ҳар сурат мо бояд мутмаин бошем, ки ҷонибҳои дигар ҳам вазифаҳои худро анҷом медиҳанд", — гуфтааст, ӯ дар суҳбат бо телевизиони ITV.

Аз ин рӯ, раҳбари Созмони энержии атомии Эрон мегӯяд, "барои мо зарур аст, ки қадамҳои устувору фаврӣ ва боваринок гузорем. Аммо аз ҷониби дигар ҳам вобастагиҳои зиёд дорад".

Эрон ва кишварҳои 5+1 моҳи июли соли равон билоахира дар мавриди барномаҳои ҳастаии Теҳрон ба созиши таърихӣ расиданд. Дар сурати татбиқ шудани талаботи ин созишнома тамоми таҳримҳои иқтисодию молии эълоншуда аз сӯи ИМА ва Иттиҳоди Аврупо алайҳи Эрон лағв хоҳанд шуд.

Ин созишнома 18 октябри соли равон ба амал даромад.

 

Лентаи хабарҳо
0