Сабти ном бомуваффақият анҷом ёфт!
Хоҳиш менамоем ба пайванде, ки тариқи равон шудааст, гузаред
Сиёсат

Изҳороти ВКХ ҶТ дар бораи сарозер шудани Су-24-и Русия

© Sputnik Игорь ЛекаркинБинои Вазорати умури хориҷаи ҶТ. Акс аз бойгонӣ
Бинои Вазорати умури хориҷаи ҶТ. Акс аз бойгонӣ - Sputnik Тоҷикистон
Ҷониби Тоҷикистон ҳодисаи сарозер шудани ҳавопаймоии ҷангии СУ-24-и Русия дар марзи Сурия ва Туркияро бо андӯҳ қабул кардааст.

ДУШАНБЕ, 27 ноя — Sputnik. Вазорати корҳои хориҷии Тоҷикистон бо пахши як изҳорот гуфтааст, ки ҳодисаи сарозер шудани ҳавопаймоии ҷангии СУ-24-и Русия дар марзи Сурия ва Туркияро бо андӯҳ қабул кардааст.

"Ҷониби Тоҷикистон ҳодисаи ногувори марбут ба сарозер кардани ҳавопаймои ҳарбии Русияро дар санаи 24-уми ноябри соли 2015, ки дар амалиёти зиддитеррористӣ иштирок мекард, бо андӯҳ қабул намуда, ба хешовандону наздикони хизматчиёни ҳарбии ҳалокшуда изҳори тасаллият менамояд",- омадааст дар баёнияи ВКХ ҶТ.

Ҳамзамон, дар номаи расмии вазорат қайд шудааст, ки Тоҷикистон бо назардошти шароити муосир мавҷудияти ҳамраъйӣ, ваҳдат ва дастгирии мутақобиларо дар мубориза бо терроризм дар сатҳи байналмилалӣ ва ҷавоби маҷмӯъӣ ба душмани муштараки мо-терроризми ҷаҳониро муҳим арзёбӣ мекунад.

Зарбазани Су-24. Акс аз бойгонӣ - Sputnik Тоҷикистон
ВКХ: Русия аз НАТО дар қазияи Су-24 воқеънигариро интизор нест

"Дар ин росто, маъракаи зидитеррористии гузаронидаи Русия ҷойгоҳи муҳимро касб мекунад",- меафзояд манбаъ.

Вазорати корҳои хориҷии Тоҷикистон бо пуштибонӣ аз амалиётҳои Русия дар хоки Сурия мегӯяд, ки Тоҷикистон бо ҷонибдорӣ ба амалиётҳо муштараки ҷомеаи байналмилалӣ алайҳи терроризм изҳори умед карда, ба холисона арзёбӣ гардидани ҳодисаи сарозер шудани ҳавопаймои Федератсияи Русия бовар дорад.

Ҳавопаймпои ҷангии Су-24-и Русия рӯзи 24-уми ноябр аз ҷониби неруҳои ҳавоии Туркия дар марзи ин кишвар бо Сурия сарнагун карда шуд. Туркҳо ҳавопаймои русиро ба убур кардани ҳарими ҳавоии Туркия муттаҳам мекунанд, аммо Русия мегӯяд, ки ҳавопаймо дар хоки Сурия сарозер шудааст.

Зимнан, 25-уми ноябр Созмони Паймони Амнияти Дастаҷамъӣ (СПАД), ки Тоҷикистон низ узви он мебошад, ҳодисаи суқути ҳавопайморо маҳкум кард.   

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала