Ҳамлаи зарбазанҳои Бритониё алайҳи ДИИШ дар хоки Сурия

© AP / Donato FasanoЗарбазани Tornadoи нерӯи ҳавоии Бритониё. Акс аз бойгонӣ
Зарбазани Tornadoи нерӯи ҳавоии Бритониё. Акс аз бойгонӣ - Sputnik Тоҷикистон
Ду ҳавопаймои Торнадои Бритониё алайҳи ДИИШ дар хоки Сурия амалиётеро анҷом доданд.

ДУШАНБЕ, 3 дек — Sputnik. Ҳавопаймоҳои низомии Бритониё ҳамлаҳои аввалини худ ба хоки Сурияро анҷом доданд, навиштааст РИА Новости бо истинод ба хабаргузории Рейтер.

Созмони тундгарои “Давлати исломӣ”

"Зарбаҳо ба хоки Сурия зада шуданд", — гуфтааст ҳамсуҳбати хабаргузорӣ. Ба гуфтаи ӯ, ҳоло зарбазанҳои "Торнадо" ба пойгоҳ баргаштаанд. Иттилои дигаре надодааст.

Чанд дақиқа қабл аз нашри ин хабар хабарнигори Бӣ-Бӣ-Сӣ иттилоъ дод, ки аз чаҳор ҳавопаймои низомии "Торнадо" ду тоаш бидуни маҷмуаҳои ҷангӣ ба пойгоҳи низомии "Акротирӣ" дар Қибрис, ба маконе, ки барои анҷоми амалиёт алайҳи ДИИШ аз онҷо парвоз карда буданд, баргаштанд.

Намояндаи Вазорати дифои Бритониё ҳам ба шарти ифшо нашудани номаш дар суҳбат бо хабаргузории Ассошиэйтед Пресс анҷоми амалиёти мазкурро тасдиқ кардааст. Дар мавриди ҳадафи нерӯи ҳавоии Бритониё баъдан иттилоъ дода мешавад, гуфтааст ӯ.

Чанд соати қабл парлумони Бритониё ба нерӯи ҳавоии кишвараш иҷоза дод, то алайҳи ДИИШ дар хоки Сурия амалиёт анҷом бидиҳад.

Ин кишвар чанд рӯзи қабл ҳам саффи нерӯи ҳавоии худ дар минтақаро ду баробар афзоиш дода буд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала