Амалиёти вижа дар Бишкек: боздошти ду террорист

Алмосбек Атамбоев аз роҳандозии амалиёт изҳори хушнудӣ карда, ба мақомоти вижа ва қудратии кишвараш супориш додааст, ки чораҳои ҷилавгирӣ аз зуҳуроти номатлубро дар қаламрави ҷумҳури тақвият бахшанд.

ДУШАНБЕ, 11 дек — Sputnik. Шаби гузашта дар маҳаллаи мавсум ба "Восток-5" дар Бишкек ду узви гуруҳи байналмилалии терористӣ аз байн бурда шуд, иттилоъ медиҳад Sputnik Қирғизистон бо истинод ба дафтари матбуотии Кумитаи миллии амнияти Қирғизистон.

Тибқи маълумоти мақомоти қудратӣ шаби гузашта дар пойтахти Қирғизистон амалиёти вижа алайҳи террористон роҳандозӣ гардида, зимни муқовимати мусаллаҳона ду узви гуруҳи байналмилалии терористӣ кушта шуданд. Як корманди таъиноти махсус ҷароҳат бардошт, аммо вазъи саломатии ӯ хуб арзёбӣ мегардад.

Автомат дар макони амалиёти вижа - Sputnik Тоҷикистон
Охирин маҳбуси фирории СИЗО-50 дар Бишкек кушта шуд

Амалиёти махсус дар қаламрави бозори "Мадина" баргузор шуд. Тафтишоти пешакӣ муайян кард, ки террористон нақшаи амалӣ кардани чанд амалиёти террористиро дар Бишкек ва вилояти Чуй дар сар доранд.

Аснои амалиёт аз ҷои ҳодиса чор силоҳи Макаров бо тирдонҳо, норинҷаки дастии тамғаи Ф-1, таҷҳизоти таркандаи худсохт бо ҷузъҳояш, инчунин чанд телефони мобилӣ ва ниқоб дарёфт шудааст.

Роҳбари ҶҚ аз фаъолияти мақомоти қудрати изҳори хушнудӣ карда, аз онҳо даъват сохт, ки дар амри ҷилавгирӣ аз ҳодисаҳои номатлуб фаъолияташонро тақвият бахшанд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала