Интиқоли маблағ аз Русия ба Тоҷикистон 65% коҳиш ёфтааст

© Sputnik / Сергей Пятаков / Гузариш ба медиабонкНуқтаи интиқоли маблағ. Акс аз бойгонӣ
Нуқтаи интиқоли маблағ. Акс аз бойгонӣ - Sputnik Тоҷикистон
Обуна шудан
Бонки марказии Русия омори интиқоли маблағи байнисарҳадиро дар семоҳаи сеюми соли 2015 тавассути низоми интиқоли пул нашр намуд. Ба иттилои танзимгар, ҳаҷми маблағҳои ба Тоҷикистон воридшаванда коҳиш ёфтаст.

ДУШАНБЕ, 18 дек — Sputnik. Ҳаҷми интиқоли маблағҳо аз Русия ба Тоҷикистон дар семоҳаи сеюми соли ҷорӣ нисбат ба ҳамин давраи соли 2014 65,1% коҳиш ёфтааст, хабар медиҳад Бонки марказии ФР.

"Дар семоҳаи сеюми соли равон ба Тоҷикистон тавассути каналҳои интиқоли маблағ аз Русия $358 миллион ворид шудааст, ки нисбат ба ҳамин давраи сали гузашта 73,5% кам мебошад", — омадааст дар иттилоия.

Бонк. Акс аз бойгонӣ - Sputnik Тоҷикистон
Интиқоли маблағ аз Русия ба Тоҷикистон коҳиш ёфтааст

Ба иттилои манбаъ, дар семоҳаи сеюми соли гузашта аз Русия ба Тоҷикистон 1 миллиарду 348 миллион доллари амрикоӣ интиқол шудааст.

Дар даҳ моҳи соли равон ба Тоҷикистон аз Русия тавассути низоми интиқоли пулӣ $1 миллиарду 54 миллион ($3,016 миллиард барои январ-сентябри 2014) интиқол шудааст. Ҳаҷми коҳишёбӣ 65,1%-ро ташкил медиҳад.

Бештари муасисаҳои байналмилалии молиявӣ аз ҷумла Бонки ҷаҳонӣ коҳиш ёфтани интиқоли маблағ ба Тоҷикистонро то ба 40-45% пешгӯи карда буд.

Коршиносон омили асосии ин равандро ба беқурбшавии рубли русӣ ва қоидаҳои сангинтарини будубоши муҳоҷирони меҳнатӣ дар Федератсияи Русия аз оғози соли 2015 рабт медонанд.

Лентаи хабарҳо
0