Кӯмаки ду ширкати олмонӣ ба зарардидаҳои Бартанг

© Предоставлено телевидением "Бадахшон"Натоиҷи заминларза дар водии Бартанг
Натоиҷи заминларза дар водии Бартанг - Sputnik Тоҷикистон
Бо тавсияи ҳамкорони ин ду ширкат дар Бадахшон ва сафорати Олмон дар Душанбе тасмим гирифта шудааст, ки ба сокинони зарардидаи Бартанг фиристода шавад.

ДУШАНБЕ, 23 дек — Sputnik. Ду созмони ғайридавлатии Олмон ба сокинони осебдидаи водии Бартанг кӯмак карданд.

Ба ин минтақаи зарардида аз заминларза либоси зимистона, ғизои кӯдакона ва маводи шустушӯӣ фиристода шудааст, дар ин бора сафорати Олмон дар Душанбе хабар медиҳад.

Куҳҳои Бадахшон. Акс аз бойгонӣ - Sputnik Тоҷикистон
Водии Бартанг: минтақаи дар инзивоъ монда

Созмони "Tajik Aid" соли 2009 аз ҷониби табиби олмонӣ Мартин Камп барои ҷарроҳии кӯдаконе, ки аз бемории лаби болоию ком раҷн мебаранд, таъсис дода шудааст.

Моҳи ноябри соли 2015 ҷаноби Камп тавассути як мошини боркаш аз Олмон ба Тоҷикистон барои марказе дар маҳаллаи Қарияи Болои Душанбе таҷҳизоти тиббӣ оварда буд.

Дар ин мошини боркаш бар иловаи таҷҳизоти тиббӣ либосҳое ҳам интиқол ёфта буданд, ки ширкатҳои олмонӣ ҳоло ба осебдидаҳои Тоҷикистон тақсим карданд.

Арзиши умумии ин кӯмаки башардӯстонаи ширкатҳои олмонӣ ба осебдидаҳои Бартанг 130 ҳазор евроро ташкил медиҳанд.

Ширкати дуюми олмонӣ "Pamir-Hilfe" соли 2013 дар шаҳри Берхтесгаден таъсис дода шудааст, ки бевосита ба водии Бартанг вобастагӣ дорад ва ҳада аз он ҳам ҳимояти ин водӣ ба хотири рушду пешрафти сокинони он мебошад.

Бо тавсияи ҳамкорони ин ду ширкат дар Бадахшон ва сафорати Олмон дар Душанбе тасмим гирифта шудааст, ки ба сокинони зарардидаи Бартанг фиристода шавад.

Кӯмаки башардӯстона вориди Душанбе шуда, моҳи ноябри соли равон ба водии Бартанг интиқол дода шуд.

Зилзилаи ахир дар Тоҷикистон, аз ҷумла дар Бартанги Бадахшон чӣ пайомаде дошт? Барои дарёфти посух ба ин суол ин нишониро ангушт бизанед>>

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала