Муаррифии ширкатҳои нассоҷиву дӯзандагии Тоҷикистон дар Маскав

© Sputnik / Максим БарановТекстильная продукция на выставке Легпром
Текстильная продукция на выставке Легпром - Sputnik Тоҷикистон
Обуна шудан
Соле ду маротиба чунин форуми тиҷоратӣ баргузор гардида, дар он беш аз 2000 ширкату корхонаҳои нассоҷӣ маҳсулоти худро муаррифӣ мекунанд.

ДУШАНБЕ, 16 фев — Sputnik. Имрӯз ширкатҳои нассоҷиву дӯзандагии Тоҷикистону Қирғизистон дар Маскав маҳсулоти худро пешниҳоди доираи васеъи тамошобинон ва бахши тиҷорат мекунанд, иттилоъ медиҳанд масъулин ва мубтакирони пружа.

Ҳамоиши тиҷоратӣ ва ё ба истилоҳ бизнес-форуми мазкур қисме аз барномаи иштироки корхонаҳои Тоҷикистону Қирғизистон дар бузургтарин намоишгоҳи байнулмилалии нассоҷӣ ва либосвории ФР арзёбӣ мегардад.

Таҷҳизоти муосири нассоҷӣ (бофандагӣ) - Sputnik Тоҷикистон
Бузургтарин корхонаи насоҷии Осиёи Миёна дар Данғара бунёд мешавад

Тарҳи тиҷоратии мазкур бо ибтикори Маркази тиҷорати байнулмилалӣ (МТБ) ва бо кумаки молии ҳукумати  Швейтсария дар чаҳорчӯбаи Барномаи ҳамкориҳо дар соҳаи тиҷорат гузаронида мешавад.

Корхонаҳои Тоҷикистон барои шашумин бор мусоидат ва дастгирии Маркази тиҷорати байнулмилалӣ меҳмони намоишгоҳи байнулмилалии "Текстиллегпром", ки азимтарин намоишгоҳи махсус дар Федератсияи Русия  мебошад, мегарданд. Дар ин муддат бештар аз 20 корхона аз Тоҷикистон бо мусоидати МТБ дар ин намоишгоҳ иштирок кардаанд ва аксарашон низ чанд дафъа ба ин намоишгоҳ рафтаанд.

Имсол ҳашт корхонаи нассоҷиву дӯзандагии Тоҷикистон густариши бозори берунаи худро пайдо кардаанд: «Ваҳдат Текстил», "ХИМА Текстил", "Нафиса", "Нассоҷи Хуҷанд", «Ноҳид», "Олим Текстайл", «Ортекс», ва «Раҳимов А.А ».

"Текстиллегпром", ки ҳамчун Намоишгоҳи тиҷоратии федералии нассоҷӣ ва маҳсулоту таҷҳизоти саноати сабук шинохта мешавад, соле ду бор тақрибан 2000 ширкати тиҷоративу саноатиро ҷамъ меоварад. Теъдоди меҳмонони намоишгоҳ то ба 37.000 нафар мерасад, ки дар майдони бештар аз 65.000 метри мукааб бо маҳсулоти замонавии беш аз 2500 ширкат аз 42 кишвари ҷаҳон шинос мешаванд.

Дар чаҳорчӯбаи намоишгоҳ, ҳамчунин, як ҳамоиши вижаи тиҷоратӣ ба нақша гирифта шудааст, ки бозигарони аслии соҳаи нассоҷиву дӯзандагии Русия, Тоҷикистон ва Қирғизистонро гирд меорад.

Лентаи хабарҳо
0