Лағви “лимит”-и барқ дар Тоҷикистон

© Sputnik / Амир ИсаевТаоми шомгоҳиро дар пеши чароғи бобоӣ тановул мекунанд. Акс аз бойгонӣ
Таоми шомгоҳиро дар пеши чароғи бобоӣ тановул мекунанд. Акс аз бойгонӣ - Sputnik Тоҷикистон
Реҷаи маҳдуди интиқоли барқ, ки аз 1 октябри соли 2015 дар ҷумҳурӣ роҳандозӣ гардида буд, рӯзи сешанбе бекор гардид. Соли гузашта ин тасмим чаҳор рӯз дертар амалӣ шуда буд.

ДУШАНБЕ, 24 фев — Sputnik. Лимит ё ба истилоҳ реҷаи маҳдуди интиқоли барқ дар Тоҷикистон рӯзи 23 феврал лағв шуд, иттилоъ медиҳад дафтари матбуотии ширкати ҳолдингии "Барқи тоҷик".

Президенти Тоҷикистон Эмомалӣ Раҳмон. Акс аз бойгонӣ - Sputnik Тоҷикистон
Президент ваъдаи то 4 соат кам шудани лимити барқро дод

"Шурӯъ аз 23 феврал ба ҳамаи маҳаллаҳои аҳолинишини ҷумҳурӣ мунтазам шабонарӯзӣ нерӯи барқ интиқол дода мешавад. Обуҳавои мусоиди зимистони имсола имкон дод,  ки масъалаи таъминот бо барқ нисбат ба солҳои гузашта ба таври назаррас беҳтар карда шавад",- омадааст дар иттилоъияи ин ниҳод.

Манбаъ мегӯяд, бо назардошти захоири об дар обанбори Норак тасмим гирифта шуд, ки дар саросари кишвар реҷаи маҳдуди истифодаи нерӯи барқ бекор карда шавад.

Маврид ба ёдоварист, дар қиёс ба як соли пеш имсол реҷаи маҳудуди интиқоли  нерӯи барқ 4 рӯз пештар бекор карда шуд. Соли гузашта лимити истифодаи нерӯи барқ 27 феврал лағв гардид.

Тайи чанд соли ахир дар Тоҷикистон реҷаи маҳдуди интиқоли барқ барои чаҳор то панҷ моҳ (аз моҳи октябр то феврал) роҳандозӣ мегардад ва инро масъудин ба камшавии захираҳои об дар обанборҳои бузурги кишвар, аз ҷумла обанбори Норак рабт медиҳанд.  

 

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала