Гуфтушуниди Тоҷикистон бо ХБА барои ҷалби $500 миллион

© Sputnik / Наталья Селиверстова / Гузариш ба медиабонкБинои Хазинаи байналмилалии асъор дар Вашингтон (округи Колумбия). Акс аз бойгонӣ
Бинои Хазинаи байналмилалии асъор дар Вашингтон (округи Колумбия). Акс аз бойгонӣ - Sputnik Тоҷикистон
Обуна шудан
Ҳукумати Тоҷикистон барои дарёфти кӯмак аз Хазинаи байналмиллалии асъор бояд чанд шартро қабул кунад, аз ҷумла қатъи назорати асъор, ислоҳоти бонкӣ дар бахши давлатӣ ва хусусӣ.

ДУШАНБЕ, 24 фев — Sputnik. Тоҷиикстон тасмим дорад аз Хазинаи байналмилалии асъор (ХБА) барои дастгирии рушди иқтисод $500 миллион қарз гирад, гуфт муовини раиси Бонки миллии Тоҷикистон Ҷамолиддин Нуралиев дар мусоҳиба бо Financial Times.

Бахши бонк. Акс аз бойгонӣ - Sputnik Тоҷикистон
СБП коҳиши 30% мизони интиқолҳои пулӣ ба Тоҷикистонро пешбинӣ кард

Нуралиев қайд кард, ки ихтисоси 500 миллоин доллар қарз барои ҶТ "амали саривақтӣ" хоҳад буд.

Аммо масъалаи ироаи ин миқдор пул аз сӯи Хазинаи байналмиллалии асъор то охир ҳал нашудааст.

"Феълан мо бо Сандуқи байналмилалии пул дар ин бора музокирот дорем"- иброз дошт Нуралиев.

Ӯ ҳамчунин илова кард, ки Душанбе бо дигар созмонҳои молиявии байналмиллалӣ низ гуфтушунидро барои дарёфти пул идома медиҳад.

Ҳамин тавр, Бонки осиёӣ моҳи декабри соли гузашта ба Тоҷикистон 60 миллион доллар ҷудо намуд ва айни ҳол гуфтушунид дар бораи ҷалби 30 миллион доллар аз Бонки ҷаҳонӣ ва 20 миллион доллар аз Бунёди АвруОсиё идома дорад.

Дар ҳамин ҳол, ҳукумати Тоҷикистон барои дарёфти кӯмак аз Хазинаи байналмиллалии асъор бояд чанд шартро қабул кунад, аз ҷумла қатъи назорати асъор, ислоҳоти бонкӣ дар бахши давлатӣ ва хусусӣ.

Вале дар сурати қабули ин шартҳо аз ҷониби Тоҷикистон ҳам ҳаҷми қарзи ХБА ба кишвар аз 500 миллион доллар камтар хоҳад буд.

Лентаи хабарҳо
0