Теъдоди фарбеҳон дар Тоҷикистон камтар аст. Нисбат ба дигар кишварҳо

© Flickr / Phil GradwellЧенкунии бадан. Акс аз бойгонӣ
Ченкунии бадан. Акс аз бойгонӣ - Sputnik Тоҷикистон
Танҳо 9,2% мардон ва 15,6% занони Тоҷикистон ба фарбеҳӣ гирифторанд, дар ҳоле ки дар Литва ин нишондод мутаносибан ба 23,7% ва 26,3% баробар аст.

ДУШАНБЕ, 8 апр — Sputnik. Мизони фарбеҳшавӣ дар Тоҷикистон дар қиёс бо дигар мамлакатҳои собиқ шӯравӣ пасттар аст, омадааст дар гузориши муштараки Коллеҷи Лондон ва Созмони умумиҷаҳонии тандурустӣ.

Тибқи пажӯҳиш, дар Ҷумҳурии Тоҷикистон  9,2%  мардон ва 15,6%  занон  аз фарбеҳшавӣ азият мекашанд. Ин нишододи пасттарин дар қаламрави собиқ ИҶШС мебошад.

Дар ҷои аввал аз рӯи вазни зиёдатӣ Литва бо нишондоди 23,7% мардон ва 26,3% занон қарор дорад.

Русия бо 26,2 фисади занони фарбеҳ дар мақоми дуюм, вале нишондоди мардон дар ин кишвар танҳо ба 19,6% расида, дар ҷои шашум меистад. Қатори "ғолибонр"-ро Қазоқистон бо ҷои сеюм пур мекунад.

Узбакистон ва Қирғизистон дар мақомҳои баъдӣ дар "ҳамсоягӣ" бо Тоҷикистони "зебо" қарор гирифтаанд.

Бино ба маълумоти ахиран нашршуда, дар таърихи инсоният шумораи одамони фарбеҳ аз нафарони лоғар зиёдтар гардида, дар ҳоли ҳозир теъдоди онҳо ба 640 миллион мерасад.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала