Ҳунармандони Хатлон ба ВМКБ мераванд

© Sputnik Амир ИсаевРақси чакан.Акс аз бойгонӣ
Рақси чакан.Акс аз бойгонӣ - Sputnik Тоҷикистон
Ин сафари фарҳангӣ дар доираи баргузории рӯзҳои фарҳанги Хатлон дар Бадахшон ва ба истиқболи таҷлили Рӯзи Ваҳдат ҷараён мегирад.

ДУШАНБЕ, 13 май — Sputnik. Аз 25 май то 1 июни соли равон баргузории Рӯзҳои фарҳанги вилояти Хатлон дар Вилояти Мухтори Кӯҳистони Бадахшон дар назар дошта шудааст ва ба ин хотир аҳли ҳунари вилоят ба ин сафар омодагии ҳамаҷониба мебинанд, иброз доштанд дар Вазорати фарҳанг.

Сардори Раёсати фарҳанги мақомоти иҷроияи ҳокимияти давлатии вилояти Хатлон Бурҳониддин Раҷабов мегӯяд,  дар ин сафар ҳунармандони Театри вилоятии мусиқӣ-мазҳакавии ба номи Ато Муҳаммадҷонови шаҳри Қурғонтеппа, Театри вилоятии мусиқӣ-мазҳакавии ба номи Саидалӣ Вализодаи шаҳри Кӯлоб бо барномаҳои пурмазмуни фарҳангӣ озими Бадахшон хоҳанд шуд.

Ҳамчунин, овозхони шинохтаи кишвар Маҳмадалӣ Аюбов, Ҳунарпешаи шоистаи Тоҷикистон, Аловиддин Абдуллоев ва дигар санъаткорон бо барномаҳои рангини мусиқиву ҳаҷвӣ табъи тамошобинони бадахширо дар арафаи таҷлили Рӯзи Ваҳдати миллӣ болида хоҳанд кард.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала