“Давлати Исломӣ” ҷавобгарии инфиҷори Орландоро бар дӯш гирифт

© AFP 2023 / Laura Buckman Шаҳрвандони ИМА ба хотири қурбониёни Орландо чароғҳоро дар мегиронанд. Акс аз бойгонӣ
Шаҳрвандони ИМА ба хотири қурбониёни Орландо чароғҳоро дар мегиронанд. Акс аз бойгонӣ - Sputnik Тоҷикистон
Обуна шудан
Ташкилоти ҷиноии байналмиллалӣ тасдиқ кард, ки ҳамлаи мусаллаҳона аз ҷониби ҷангиёни гурӯҳашон анҷом дода шуд.

ДУШАНБЕ, 13 июн — Sputnik. Гурӯҳи радикалии "Давлати Исломӣ" (мамнӯъ дар Тоҷикистон) ҷавобгарии инфиҷореро, ки дар клуби шабонаи шаҳри Орланд ба вуҷӯъ пайваст бар дӯш гирифт, иттилоъ медиҳад РИА Новости бо такя ба оҷонсии Reuters.

"Дар клуби шабонаи шаҳри Орландои иёлоти Флорида ҳамлаи мусаллаҳона ба вуқӯъ пайваст. Бар асари он зиёда аз сад нафар ҳалок ё захмӣ гардиданд. Ҳуҷум аз ҷониби ҷангиёни гурӯҳи террористии "Давлати Исломӣ" анҷом дода шуд",-менависад Рейтер.

Шаҳри Ню-Йорк. Акс аз бойгонӣ - Sputnik Тоҷикистон
Хакерҳо “ДИИШ”-ро ба ҳуҷум ба шаҳрвандони Ню-Йорк даъват намуданд

Қабалан хабар дода шуд, ки дар шаҳри Орландои иёлоти Флорида 50 нафар ҳалок градида, 53 каси дигар дар пайи ҳамлаи мусаллаҳона ҷароҳатҳои гуногун бардоштанд. Террорист аз ҷониби пулис зимни амалиёти дастгир намудан кушта шуд.

Хабар дода шуд, ки террорист қабл аз ҳамла ба рақами хадамоти изтиробӣ (911) занг зада иттилоъ додааст, ки ӯ яке аз аъзоёни гурӯҳи радикалии "Давлати Исломӣ" мебошад.

Дар робита бо фоҷиа ҷароғи бинои машҳури Эмпайр Стейт Билдинг, ки дар Ню-Йорк ҷойгир аст, рӯзи якшанбе хомӯш карда шуд.

"Ба хотири қурбониёни ҳодисаи фоҷиабор, ки дирӯз дар Орландо ба вуқӯъ пайваст, имрӯз мо ҷароғро хомӯш мекунем",-омадааст дар саҳифаи Twitter-и яке аз биноҳои машҳури ҷаҳон.

Лентаи хабарҳо
0