Нависандагони тоҷикро дар Лондон беҳтарин ном доданд

Обуна шудан
НовостиTelegram
Дар Лондон санаҳои 25-28-и ноябр фестивали "Open Eurasian Literature Festival & Book Forum" баргузор гардид. Дар он бори аввал ба муаллифони тоҷик якчанд ҷоизаҳо супорида шуд

ДУШАНБЕ, 30 ноя — Sputnik.Дар озмуни адабӣ дар Лондон ду нафар нависандаи тоҷик(занон-идора) беҳтарин муаллиф дониста шуданд.

Маросими ҷоизасупорӣ дар чорчӯбаи фестивали "Open Eurasian Literature Festival & Book Forum", ки санаҳои 25-28-уми ноябр баргузор гардид, доир шуд.

Соли 2016 ба озмун 1400 ариза пешниҳод гардид, ки намояндагони 43 кишвари дунёро дарбар мегирифт. Муааллифони тоҷик 15 асарро пешниҳод намуданд, ки аз он 4-тоаш ба давраи ниҳоӣ гузашт.

"Дар чорчӯбаи озмун имсол бори аввал ба муаллифони тоҷик якчанд ҷоизаҳо супорида шуд. Ҳамин тавр, нависанда Шаҳзода Назарова (Тоҷикистон-Нидерландия)барои асари беҳтарини занона лоуреати ҷоизаи ба номи Марзӣ Закирянова ба маблағи 500 ҳзр. доллар гардид. Ҷоиза дар нашри асари ғолиб бо забони англисӣ сарф карда мешавад",- хабар медиҳанд ташкилотчиёни озмун.

Муҳиддин Маҳмудов, акс аз бойгонӣ - Sputnik Тоҷикистон
Маҳмудов: Бақо Содиқ пантуркист набуд, аммо дар Тоҷикистон ӯро ба гӯшаи фаромушӣ бурданд

Ғайр аз ин, нависанда Гулсифат Шаҳидӣ мувофиқи версияи матбуоти Hertfordshire Press муаллифи сол дониста шуд, ки барои Гулсифат ин ҷоиза аллакай маротибаи дуввум аст.

Дар чорчӯбаи фестивал рӯнамои китоби Гулсифат Шаҳидӣ "The Neighbourhood Sisters" баргузор шуд. Ҳамчунин олими тоҷик Тоир Раҷабов дар чорабинӣ ба иштирокдорон дар бораи муносибати вай ба дарки моҳияти ҳаёти инсон аз нуқтаи назари физика ва математика нақл намуд.

Лентаи хабарҳо
0