Сафари шашуми Эмомалӣ Раҳмон ба Ҳиндустон

© Фото : Официальная страница пресс-службы президента РТЭмомалӣ Раҳмон. Акс аз бойгонӣ
Эмомалӣ Раҳмон. Акс аз бойгонӣ - Sputnik Тоҷикистон
Президенти Ҷумҳурии Тоҷикистон аз иёлоти Керала дидан карда, санаи 16 декабри соли равон ба Ню-Деҳлӣ меравад. Он ҷо Эмомалӣ Раҳмон бо президенти Ҳиндустон ва сарвазири кишвар вомехӯрад

ДУШАНБЕ, 9 дек — Sputnik. Президенти Ҷумҳурии Тоҷикистон Эмомалӣ Раҳмон ҳафтаи оянда бо сафари корӣ ба Ҳиндустон меравад.

Дар шаҳри Ню-Деҳлӣ вохӯрии раиси ҷумҳур бо президенти Ҳиндустон Пранаб Кумар ва нахуствазири кишвар Нарендра Моди баргузор мегардад, хабар медиҳад РИА Новости бо такя ба намояндаи расмии ВКХ-и Ҳиндустон Викас Сваруп.

"Президенти Тоҷикистон Эмомалӣ Раҳмон санаи 14-18 декабри соли равон ба Ҳиндустон меравад. Ин сафари шашуми сарвари давлат ба Ҳиндустон хоҳад шуд. Зимни боздиди охирони Эмомалӣ Раҳмон, ки соли 2012 баргузор шуда буд, ҷонибҳо ҳамкориҳои дуҷонибаро то сатҳи шарики стратегии дарозмуддат рушд дода буданд",-хабар дод Сваруп зимни нишасти матбуотӣ.

Тоҷикистону Ҳиндустон дар бахши ҳарбӣ ҳамкорӣ хоҳанд кард

Президенти Ҷумҳурии Тоҷикистон аз иёлоти Керала дидан карда, санаи 16 декабри соли равон ба Ню-Деҳлӣ меравад. Он ҷо Эмомалӣ Раҳмон бо президенти Ҳиндустон ва сарвазири кишвар вомехӯрад. Дар ВКХ-и Ҳиндустон ҷузъиёти вохӯрӣ шарҳ дода намешавад, танҳо қайд мегардад, ки "мавзӯъи рӯз хушбинона аст".

Моҳи октябри соли равон дар доираи намоишномаи байналмиллалии "Тандурустии Ҳиндустон-2016" раиси палатаи савдои Тоҷикистон Шариф Саид ва президенти федератсияи палатаи савдои Ҳиндустон Сидхадх Бирла Созишнома оиди такшили шӯрои "Тоҷикистон-Ҳиндустон"-ро ба имзо расонид.

Ҷониби Ҳиндустон бо Тоҷикистон хостори ҳамкорӣ дар соҳаҳои кишоварзӣ, технологияи информатсионӣ, савдо, бонкдорӣ, суғурта ва сохтмони роҳ  шуданд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала