Асомиддин Сангов аз Қирғизистон бо медали нуқра баргашт

Дар мусобиқаи байналмиллалӣ варзишгарони Тоҷикистон, Қирғизистон ва Қазоқистон ширкат карданд. Варзишгари тоҷик Асомиддин Сангов аз ин сабқат бо медали нуқра баргашт

ДУШАНБЕ, 11 дек — Sputnik. Дар Бишкек мусобиқаи байналмиллалӣ  барои дарёфти ҷоизаи ба номи чемпиони чоркаратаи  ҷаҳон, устоди варзиши ИҶШС оид ба варзиши вазнин Канибек Осмоналиев баргузор гардид. Дар мусобиқа намояндагони Тоҷикистон, Қазоқистон ва Қирғизистон байни ҳам рақобат карданд.

Дар сабқати байналмиллалӣ 100 мард ва 28 нафар зан аз кишварҳои гуногуни Осиёи Марказӣ ширкат варзиданд.

Гуштини тарзи озод - Sputnik Тоҷикистон
Варзишгарони тоҷик аз Ҳиндустон ду медал оварданд

Қазоқистон соҳиби 5 медал-2 тилло ва се биринҷӣ, Тоҷикистон як медали нуқра ва Қирғизистон боқимондаи нишонҳоро аз худ кард.  Асомиддин Сангов-варзишгари тоҷик дар вазни 85 кг бо гирифтани 283 хол медали нуқра ба даст овард. Ӯ аз ҷониби намояндаи Қирғизистон дар даври финалӣ мағлуб гардид.

Ёдовар мешавем, ки дар Қирғизистон қаҳрамонии Осиёӣ аз рӯи варзиши вазнин баргузор гардид. Тоҷикистонро дар сабқати Осиёӣ Сунатулло Оев, Рустам Назаров, Хуршед Тураев, Абдуҳаким Ҳақбердиев, Илҳом Шукуров ва Асомуддин Сангов намояндагӣ карданд.

Аз байни варзишгарони тоҷик Асомуддин Сангов бо гирифтани мақоми 16-ум натиҷаи беҳтаринро нишон дод. Баъди ӯ Рустам Назаров бо ба даст овардани мақоми 17-ум ва Илҳом Шукуров бо Сунатулло Оев дар мақоми 18-ум қарор гирифтанд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала