ДУШАНБЕ, 7 фев — Sputnik.Президенти ИМА Доналд Трамп қайд кардааст, ки вай ба собиқ роҳбари кишвар Борак Обама маъқул аст. Дар навбати худ ӯ (Трамп- идора) низ, ба Обама муносибати нек доштааст, хабар медиҳад РИА Новости бо истинод ба Fox News.
"Муносибати ман бо вай хуб аст. Намедонам Обама инро эътироф мекунад ё не, лекин ман ба вай писанд омадаам",- гуфтааст Трамп дар сӯҳбат бо телевизион. "Вай ба ман маъқул аст, зеро ман инро ҳис мекунам",- илова намудааст президент.
Илова бар ин, Трамп иқрор мешавад, ки пештар ҳарду дар бораи якдигар суханҳои қабеҳи зиёд гуфа буданд. "Сиёсат- чизи аҷиб аст",- илова мекунад Трамп.
Дар навбати худ, Обама низ гуфта буд, ки пас аз маъракаи интихоботӣ аз сӯҳбат бо Доналд Трамп ҳаловат бурдааст.
