15 дастури Раҳмон барои наҷоти мардум аз офатҳои табиӣ

© Фото : Аз хадамоти матбуоти президенти ҶТЭмомалӣ Раҳмон дар ҷаласаи комиссияи давлатӣ оид ба ҳолатҳои фавқуллода. Акс аз бойгонӣ
Эмомалӣ Раҳмон дар ҷаласаи комиссияи давлатӣ оид ба ҳолатҳои фавқуллода. Акс аз бойгонӣ - Sputnik Тоҷикистон
Обуна шудан
Эмомалӣ Раҳмон дар рафти ҷаласаи комиссияи давлатӣ оид ба ҳолатҳои фавқуллода аз фаъолияти гурӯҳҳои зудамал изҳори нигаронӣ карда, гуфт, ки кори онҳо ба талабот ҷавобгӯ нест

ДУШАНБЕ, 10 фев — Sputnik. Бо мақсади таъмини амнияти аҳолӣ ва пешгирии саривақтии офатҳои табиӣ президенти кишвар Эмомалӣ Раҳмон ба КҲФ, вазорати нақлиёт ва дигар сохторҳои давлатӣ 15 дастури мушаххас дод.

Обу ҳаво ва умед аз олимон

— Агентии обуҳавошиносии Кумитаи ҳифзи муҳити зист ва Академияи илмҳои Тоҷикистон вазъи пиряхҳо, кӯлҳо ва захираи барфро дар қаламрави кишвар то давраи гарм шудани ҳарорати ҳаво ташхис намуда,  хулосаҳои худро мунтазам пешниҳод созанд.

Таъмини кадрҳои баландихтисос

— Ба Саридораи геология супориш дода мешавад, ки фаъолияти Хадамоти давлатии мушоҳидаи равандҳои экзогениву геологиро ҷоннок намуда, доир ба масъалаи бо кадрҳои баландихтисос таъмин кардани сохтори зикршуда ва тавсеаи ҳамкории он бо Кумитаи ҳолатҳои фавқулода ва мудофиаи гражданӣ чораҷӯӣ намояд.

Омодабошии мошинҳо

— Вазорати нақлиёт якҷо бо мақомоти иҷроияи ҳокимияти давлатии вилоятҳо ва шаҳру ноҳияҳо захираи сӯзишвориро ташкил карда, техникаҳои заруриро дар ҳолати омодабошии доимӣ қарор диҳад.

Роҳҳои эҳтиётӣ

— Вазорати нақлиёт фаъолияти гурӯҳҳои зудамалро ҷоннок намуда, нақшаи роҳҳои эҳтиётиро ҳангоми сар задани вазъияти эҳтимолӣ таҳия намояд.

© Фото : Аз хадамоти матбуоти президенти ҶТМавзеҳои хатарноки Тоҷикистон
Ҷаласаи комиссияи давлатӣ оид ба ҳолатҳои фавқуллода. Акс аз бойгонӣ - Sputnik Тоҷикистон
Мавзеҳои хатарноки Тоҷикистон

Навбатдории шабонарӯзии аҳолӣ

— Комиссияи ҳолатҳои фавқулодаи вилоятҳо ва шаҳру ноҳияҳо то давраи гарм шудани ҳарорати ҳаво дар мавзеъҳои эҳтимолии рух додани ҳолатҳои фавқулода ҷадвали навбатдории шабонарӯзиро аз ҳисоби масъулини ҷамоатҳо ва аҳолӣ омода карда, ҷойи кӯчонидани аҳолиро  деҳаҳои шаҳру ноҳияҳоро аз минтақаҳои хавфнок пешакӣ муайян созанд ва нақшаи дахлдорро таҳия ва тасдиқ намоянд.

Нақшаҳои вилояту шаҳру ноҳия

— Мақомоти иҷроияи ҳокимияти давлатии вилоятҳо ва шаҳру ноҳияҳо дар ҳамкорӣ бо ситодҳои оид ба ҳолатҳои фавқулода ва мудофиаи граждании вилоятҳо, минтақаҳо ва шаҳру ноҳияҳо нақшаи чорабиниҳои пешгирикунандаи ҳолатҳои фавқулодаро таҳия ва тасдиқ кунанд.

Тозакунии роҳ. Акс аз бойгонӣ - Sputnik Тоҷикистон
Сокини ноҳияи Рӯшон: ду рӯз боз фарзандонамро надидаам

Огоҳкунии оҷилӣ

— Мақомоти иҷроияи ҳокимияти давлатии вилоятҳо ва шаҳру ноҳияҳо ҷиҳати сари вақт огоҳ намудани сохторҳои дахлдор ва аҳолӣ нақшаҳои мавҷудаи хабардоркунии ҳайати роҳбарикунанда ва огоҳ намудани аҳолиро аз нав таҳия ва тасдиқ намоянд.

Кӯчонидани аҳолӣ

— Вазорати меҳнат, муҳоҷират ва шуғли аҳолӣ, Кумитаи давлатии идораи замин ва геодезӣ, мақомоти иҷроияи ҳокимияти давлатии вилоятҳо ва шаҳру ноҳияҳо ҷиҳати кӯчонидани аҳолӣ аз минтақаҳои хавфнок чораҳои зарурӣ андешанд.

Ҷалби сармоягузорӣ

— Вазорати молия, Кумитаи давлатии сармоягузорӣ ва идораи амволи давлатӣ, Кумитаи ҳолатҳои фавқулода ва мудофиаи гражданӣ ва дигар мақомоти дахлдор оид ба ҷалби маблағҳои донорҳо ва шарикони рушд лоиҳаҳои заруриро таҳия намуда, ҳамкориро бо онҳо густариш диҳанд.

Тақсимоти боадолатонаи кӯмаки башардӯстона

— Агентии назорати давлатии молиявӣ ва мубориза бо коррупсия ва мақомоти прокуратура масъалаи пешгирӣ кардани ҳолатҳои коррупсиониро  ҳангоми тақсимоти захираҳои давлатӣ ва кумакҳои башардӯстона дар вақти ҳолатҳои фавқулода қатъӣ назорат намоянд.

© Фото : Ах хадамоти матбуоти президенти ҶТДар ҷаласаи комиссияи давлатӣ оид ба ҳолатҳои фавқуллода
Ҷаласаи комиссияи давлатӣ оид ба ҳолатҳои фавқуллода. Акс аз бойгонӣ - Sputnik Тоҷикистон
Дар ҷаласаи комиссияи давлатӣ оид ба ҳолатҳои фавқуллода

Комиссияи тақсими замин

— Мақомоти иҷроияи ҳокимияти давлатии вилоятҳо ва шаҳру ноҳияҳо бо мақсади ба танзим даровардани сохтмони биноҳо ва манзилҳои истиқоматӣ, инчунин, пулҳо аз болои дарёҳои осебпазир бо дарназардошти риояи талаботи муҳандисиву техникии мудофиаи гражданӣ ба ҳайати комиссия оид ба ҷудо намудани қитаҳои замин, қабул ва супоридани иншооти сохташаванда намояндаи Кумитаи ҳолатҳои фавқулода ва мудофиаи граждании вилоятҳо ва шаҳру ноҳияҳоро  шомил созанд.

Санҷиши осебпазирии маҳал

— Сохторҳои дахлдорро зарур аст, ки доир ба масъалаи бунёди иншооти зидди тарма дар ҷойҳои осебпазир чораҷӯӣ намуда, минбаъд ҳангоми таҳияи лоиҳаҳои таҷдиду азнавсозии роҳҳо ва пулҳо масъалаи  осебпазирии маҳалро ба инобат гиранд.

Тозакунии роҳҳо. Акс аз бойгонӣ - Sputnik Тоҷикистон
Милисаи тоҷик мардумро наҷот доду худ ҳалок шуд

Истифодаи дурусти захираҳои моддӣ

— Мақомоти иҷроияи ҳокимияти давлатии вилоятҳо ва шаҳру ноҳияҳо талаботи қоидаҳои ташкил ва истифодабарии манбаъҳои захираҳои моддӣ барои рафъи ҳолатҳои фавқулодаи дорои хусусияти табиӣ ва техногениро ба роҳбарӣ гирифта, барои ташкил ва истифодабарии дурусти захираҳои моддӣ барои рафъи ҳолатҳои фавқулода чораҳои қатъӣ андешанд.

Соҳилмустаҳкамкунӣ бо қуму шағал

— Агентии беҳдошти замин ва обёрӣ якҷо бо Вазорати саноат ва технологияҳои нав, Вазорати энергетика ва захираҳои об, Кумитаи давлатии сармоягузорӣ ва идораи амволи давлатӣ, Кумитаи ҳифзи муҳити зист ва Саридораи геология фаъолияти корхонаҳои коркарди қуму шағалро ба тартиб дароварда, ҳангоми таҳияи барномаи корҳои соҳилмустаҳкамкунӣ барои солҳои минбаъда дар он банди алоҳида дар ин хусус пешбинӣ намоянд.

Ҳолати омодабошии КҲФ

— Кумитаи ҳолатҳои фавқулода ва мудофиаи гражданӣ барои иҷрои корҳои наҷотдиҳӣ чораҳои зарурӣ андешида, наҷотдиҳандагони дастаҳои зудамали наҷотдиҳии вилоятҳо ва минтақаҳоро дар ҳолати омодабош қарор диҳад.

Лентаи хабарҳо
0