Умеди Эмомалӣ Раҳмон аз рушди ҳамкориҳо бо Олмон

Обуна шудан
Раисҷумҳури Тоҷикистон президенти навинтихоби Олмон Франк-Валтер Штайнмайерро бо пирӯзӣ муборак гуфта, аз рушди ҳамкориҳо бо Олмон изҳори умедворӣ кард

ДУШАНБЕ, 14 фев — Sputnik. Президенти Ҷумҳурии Тоҷикистон Эмомалӣ Раҳмон ба президенти Олмон номаи табрикотӣ ирсол намуд, хабар медиҳад хадамоти матбуоти раисҷумҳур.

Дар барқияи табрикотӣ аз ҷумла омадааст.

 "Ҷаноби Олӣ,

Бо камоли мамнуният Шуморо ба муносибати интихоб гардиданатон ба ҳайси Президенти Ҷумҳурии Федеративии Германия самимона табрик менамоям.

Роман Херцог, Акс аз бойгонӣ - Sputnik Тоҷикистон
Собиқ президенти Олмон Роман Херсог даргузашт

Мо густаришу таҳкими равобити дӯстӣ ва ҳамкории мутақобилан судмандро бо Германия аз самтҳои муҳим ва афзалиятноки сиёсати хориҷии Тоҷикистон медонем ва ояндаи онҳоро нек арзёбӣ менамоем.

Боиси қаноатмандист, ки ҳамкориҳои созандаву рушдёбандаи мо дар натиҷаи саъю талошҳои муштараки солҳои охир пайгирона вусъат ёфта,  мазмуну муҳтавои фарохтарро касб кардаанд.

Умедворам, ки ин раванд минбаъд низ идома ёфта, муносибатҳои ду кишвар боз ҳам рушд хоҳанд кард.

Бо истифода аз фурсати муносиб, ба Шумо, ҷаноби Президент, сиҳҳатмандиву саодат ва дар ҷодаи амалӣ намудани вазифаи пурмасъулияти наватон муваффақиятҳо, ба кишвари дӯсти Германия ва мардуми он амну амонӣ ва пешрафту шукуфоӣ хоҳонам".

Лентаи хабарҳо
0