КАСА-1000, тиҷорат ва нақлиёт: вохӯрии Э.Раҳмон бо Навоз Шариф

© Фото : FLICKR/ Аз хадамоти матбуоти президенти ҶТМулоқоти президенти ҶТ бюо сарвазири Исломобод
Мулоқоти президенти ҶТ бюо сарвазири Исломобод - Sputnik Тоҷикистон
Обуна шудан
Дар ҳошияи Иҷлосияи 13-уми Созмони ҳамкории иқтисодӣ мулоқоти президенти Ҷумҳурии Тоҷикистон Эмомалӣ Раҳмон бо сарвазири Ҷумҳурии Исломии Покистон Муҳаммад Навоз Шариф баргузор шуд

ДУШАНБЕ, 2 мар- Sputnik. Бино ба иттилои хадамоти матбуоти президенти ҶТ ҷонибҳо вазъи кунуниву дурнамои муносибатҳои гуногунҷанба ва масъалаҳои вобаста ба ҳамкориҳои минтақавию байналмилалии Тоҷикистону Покистонро мавриди баррасӣ қарор доданд.

Ҷонибҳо доир ба иштироки фаъол дар татбиқи лоиҳаи минтақавии сохтмони хатти барқи баланшиддати КАСА-1000, ҷалби имкониятҳои сармоягузории Покистон ба лоиҳаҳои гироэнергетикӣ, инфрасохторӣ, нақлиётӣ ва транзитии Тоҷикистон ва рушди тиҷорати байни Тоҷикистону Покистон бо истифода аз долони иқтисодии Чину Покистон фикру мулоҳизаҳои судманд баён доштанд.

Мулоқоти Эмомалӣ Раҳмон ва Раҷаб Тайиб Эрдуғон - Sputnik Тоҷикистон
Таҳсил дар Туркия осон мешавад: мулоқоти Раҳмон ва Эрдуғон

Ба сатҳи ҳамкориҳои Тоҷикистон бо Покистон дар чаҳорчӯбаи созмонҳои ҷаҳонию минтақавӣ, аз ҷумла дар доираи Созмони Милали Муттаҳид, Созмони ҳамкории Шанхай, созмонҳои ҳамкории иқтисодӣ ва ҳамкории исломӣ баҳои баланд дода шуд.

Ҳамчунин дар мулоқот масоили ҳамкориҳои сохторҳои қудратӣ, ниҳодҳои мудофиавӣ ва хадамоти амниятии Тоҷикистону Покистон, иштироки фаъол дар мубориза бар зидди терроризму экстремизми байналмилалӣ, қочоқи маводи мухаддир ва мусоидати бештар ба таъмини сулҳу амният дар Афғонистон баррасӣ шуд.

Лентаи хабарҳо
0