Ганҷина Сафарова “арӯси наврӯзӣ” интихоб шуд

© Фото : Сомонаи расмии ДМТГанҷина Сафарова - ғолиби озмуни "Арӯси наврӯзӣ" дар Тоҷикистон
Ганҷина Сафарова - ғолиби озмуни Арӯси наврӯзӣ дар Тоҷикистон - Sputnik Тоҷикистон
Обуна шудан
Дар озмуне, ки Вазорати маъориф ва илми Тоҷикистон ба муносибати ҷашни Наврӯз баргузор кард, донишҷӯи соли дувуми Донишгоҳи миллии Тоҷикистон Ганҷина Сафарова "Арӯси наврӯзӣ" баргузида шуд

ДУШАНБЕ, 29 мар — Sputnik. Дар нахустин рӯзҳои Наврӯз миёни донишҷӯдухтарони омӯзишгоҳҳо ва донишгоҳҳои кишвар озмунҳои «Арӯси наврӯзӣ» ва «Моҳпайкари наврӯзӣ» барои дарёфти «Ҷоизаи бузург» баргузор шуданд.

Бино ба иттилоъи вебгоҳи расмии Донишгоҳи миллии Тоҷикистон, ин озмун, ки бо ибтикори Вазорати маориф ва илм ва ҳамкорӣ бо Кумитаи умури занону хонавода баргузор шуда, як моҳ идома дошт.

Даври аввали он дар омӯзишгоҳҳову донишгоҳҳо гузаронда шуд ва даври ниҳоӣ дар дар толори бузурги Донишгоҳи миллии Тоҷикистон баргузор гардид.

Ҷоизаи бузурги "Арӯси наврӯзӣ" ҳамроҳ бо гувоҳиномаи Вазорати маорифу илм ва 3500 сомонӣ насиби Ганҷина Сафарова гардид. Вай донишҷӯи соли дувуми донишкадаи иқтисодии Донишгоҳи миллии Тоҷикистон аст.

Лентаи хабарҳо
0