Шоҳдухт Заҳро Оқохон аз Бартанг ва Ишкошим боздид мекунад

© Фото : FacebookПринцесса Захра Ага Хан, архивное фото
Принцесса Захра Ага Хан, архивное фото - Sputnik Тоҷикистон
Шоҳдухт Заҳро Оқохон бо дидори серӯза ба Тоҷикистон ташриф оварда ва қарор аст аз Бартанг ва Ишкошим боздид кунад

ДУШАНБЕ, 25 апр — Sputnik. Дар ин бора Фируза Ғуломасейнова, сухангӯи Созмони тавсеъаи Оқохон (AKDN) ба Sputnik Тоҷикистон хабар дод.

Ӯ афзуд, ки шоҳдухт дар сафари кории серӯза аз Бартанг ва Ишкошим боздид карда, аз тарҳҳои Созмони тавсеъаи Оқохон дар масоили фақрзудоӣ, тавсеъаи иқтисодӣ, рушди омӯзишу парвариш ва беҳдошту дармон дидан хоҳад кард.

Пешвоз - Sputnik Тоҷикистон
Пешвоз аз шоҳдухт Заҳро Оқохон дар Бадахшон

Ҳамчунин хабар дода шуд, ки шоҳдухт Заҳро Оқохон дар ин сафараш бо бархе аз мақомоти расмии Тоҷикистон ва роҳбарони сохторҳои Созмони тавсеъаи Оқохон дидору мулоқот хоҳад кард.

Равобити умуми Созмони тавсеъаи Оқохон хабар медиҳад, ки шоҳдухт Заҳро Оқохон дирӯз, 24 апрел дар Бомиёни Афғонистон дар маросими ифтитоҳи бемористон ширкат кард.

Ёдовар мешавем, ки ҳафтаи гузашта пешвои исмоилиёни ҷаҳон шоҳзода Оқохони IV бо вазири умури хориҷаи Русия Сергей Лавров дидор ва мулоқот кард.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала