ДУШАНБЕ, 10 май — Sputnik. Дар шаҳри Хоруғ ба муносибати 72-юмин солгарди Рӯзи Пирӯзӣ роҳпаймоии идонаи роҳбарияти вилоят, куҳансарбозон, донишҷўёну толибилмон ва сокинони маҳаллӣ баргузор гардид.
Дар ин бора сухангӯи раиси ВМКБ Нилуфар Асламшоева хабар дод.
Ӯ афзуд, ки Шодихон Ҷамшед ва иштирочиёни ҶБВ ба хотири арҷгузорӣ ба шаҳидони ҷанг зери ҳайкали "Аскари номаълум" гулчанбар гузоштанд.
Раиси вилоят зимни суханронӣ гуфт, ки қаҳрамонии фиристодагони Тоҷикистон дар ҷанг дар саҳифаи таърих бо хати заррин навишта шудааст, даҳсолаҳову садсолаҳои дигар дар хотири ояндагон боқӣ хохад монд.
Вай хабар дод, ки дар Вилояти Мухтори Кӯҳистони Бадахшон танҳо панҷ нафар иштирокчиёни ҶБВ дар қайди хаёт мондаанд, ки синну солашон алаккай аз 92 гузаштааст.
"Шодихон Чамшед ҳамроҳи куҳансарбозони ҶБВ ва собиқадорони меҳнат дар боғи "60 солагии Ғалаба"-и деҳаи Танги ноҳияи Шуғнон ниҳол шинонданд",-омадааст дар иттилоъия.
Барномаҳо бахшида ба 72-юмин солгарди Рӯзи Пирӯзӣ бо оростани дастархони идона барои куҳансарбозони ҷангу меҳнат анҷом ёфт.
